اسلام آباد۔6مارچ (اے پی پی): مزن وزیر عمران خان ءَ راج ءِ دیمروئی ءَ اخلاقیات، لیکہ ءُ انصاف ءِ ارزشت ءَ را سہرا کنان ءَ گوشت کہ کرپشن ءِ ھلاسی ءَ سرجمیں چاگرد ءِ جوانیں کرد ءِ است انت۔ اے کار ایوک ءَ کانود ءَ چہ بیت نہ کنت، جزا ءُ سزا ءِ لیکہ ءَ ابید انصاف بوت نہ کنت، مجرم آناں سزا دیگ ءِ واستہ مئے حکومت نیب ءُ آمید گس آنی پکاریں ھمک رنگیں کمک پجاری کنت انت، اپوزیشن ء، توامیں کوشست این آر او ءِ واستہ انت پاکستان ءَ را دیمروئی کنگ ءَ اچ کس داشت نہ کنت، اپوزیشن ءِ توامیں کوشست این آر او ء، واستہ انت پاکستان ءَ را کس دیمروئی ءَ داشت نہ کنت، گران بھائی ءِ تہ ءَ کمیگ ءُ جھلی تبک ءِ مشکل آنی دور کنگ ءِ واستہ گامگیج چست کنگ ءَ آں، ما گچین کاری گہتری کار آنی چیر دستی ءَ الیکٹرانک ووٹنگ مشین ءِ نظام ءَ کاراں تانکہ دھاندلی ءِ شکاست مدام ءِ واستہ ھلاس بہ بنت، پاکستان مشکلیں دور ءُ باریگ ءَ چہ در کپان ءَ دیم ءَ دیمروئی جنزگ ءَ انت۔ ما برآمدی پڑ ءَ را دیمروئی داتگ، راوی سٹی، بنڈل آئی لینڈ ءُ والٹن بزنس سنٹر وڑیں منصوبگ بندات کنگ ءَ آں ایشی ءَ چہ بوھوکیں آمدنی ءَ چہ وام واپس کنگ باں۔ شمبے ءِ روچ ءَ راجی اسمبلی ءَ ووٹ آف کونفیڈننس ءِ منظوری ءَ چہ پد گشتانک دیان ءَ مزن وزیر عمران خان ءَ گوشت کہ درستاں چہ پیش ھمبراھ داریں پارٹی، باسک ءُ وتی ٹیمب ءِ شگر ءُ منت وار آں۔ آئی ءَ گوشت کہ گوستگیں روچ ءَ جاور دیست آں گڈا حفیظ شیخ ءِ ہار ءِ بابت ءَ درست باز تکلیف ءِ تہ ءَ بوتگ آں۔ ات وھد ءَ من یک ٹیمب ءِ دیست گڈا باز گل ءُ شات بوتاں۔ نوں مئے ٹیمب گیش مھکم بیت۔ اللہ قرآن پاک ءِ تہ ءَ ایمان والا آناں چکاس ایت ایشر مھکم کنگ ءِ واستہ گوشیت۔ آزمائش ءَ چہ در کپگ ءَ چہ ایمان مھم بیت۔ بنی آدم ءَ را اشرف المخلوقات جوڑ کنگ ءِ واسہت مشکلیں وھد ءِ گوما دیم پہ دیمی کنگ ءِ شرط جنگ بوتگ۔ مزن وزیر ءَ گوشت کہ وھد ءِ ما وزن چست کناں گڈا مئے جسم گیش مھکم بیت ھمے رنگ ءَ سیاسی گل ھم مشکلیں ساھت ءَ چہ در کپگ ءَ پد گیش مھکم بیت۔ مزن وزیر ءَ گوشت کہ مشکلیں وھد ءَ چہ در کپگ ءَ پد پارٹی ءَ را توسیپ ءُ ستا پیش کناں۔ آئی ءَ گوشت کہ بازیں باسک آنی جان سلامتی جاور جوان نہ بوتگ انت بلے آ انگت آ اے ساھت ءَ ھمدا اتکگ ءُ ساڑی انت ۔ آئی ءَ گوشت کہ اچبر پاکستان ءِ جوڑیشت بے ھیال کنگی نہ انت چیا کہ لیکہ ءَ ابید راج مر ایت۔ راج مول ءُ مراد ءِ واستہ جوڑ بیت، تاں وھد ءِ ما وتی زھگ آناں وتی مول ءُ مراد ءَ مہ گوشاں ، مئے سروک آناں زانگ لوٹ ایت کہ اے یک بے دروریں واھشت ءِ بوتگ۔ آئی ءَ جست گپت کہ علامہ اقبال ءَ اے نہ زانتگ کہ پاکستان جوڑ بوھگ ءَ چہ پد 20 کروڑ مسلمان انڈیا ءَ پشت کپاں۔ آئی ءَ گوشت کہ استیں سینٹ گچین کاری ءِ ھوالگ ءَ شرمندگی بیت۔ کجا بوت آ واھشت گوشے پسانی پیڈی ءُ منڈی لگ اتگ بوتگ۔ مزن وزیر ءَ گوشت کہ یک ماہے ءَ چہ سما بوتگ کہ زر جم کنگ بوھگ ءَ بوتگ۔ الیکشن کمیشن ءِ نیمگ ءَ جوانیں الیکشن کنائینگ ءِ پد ءَ مزنیں ڈکھ ءُ اندوھ من ءَ رستگ۔ اگاں اے جوانیں گچین کاری ءِ بوتگ گڈا ھرابیں گچین کاری کجام انت۔ آئی ءَ گوشت کہ مئے معیشت ، وام نادُراھی ءِ چیدگ انت، اوک سر ءَ اخلاقی تباہی پدا معیشت ءِ تباہی کئیت۔ یک انچیں ملک ءِ بگش ات کہ آھودا اخلاقی گراوٹ ءَ چہ معاشی جاور گہتر انت۔ آئی ءَ گوشت یکہ دگنیا ءِ نامداریں لیڈر آں اخلاقیات ءَ را سہرا کتگ دیمروئی داتگ۔ آ ساپ ءُ سلہ بوتگ انت۔ قرآن ءُ سنت آنی سر ءَ روگ ءِ گوشتگ ات، ایشی ءِ اندر ءَ مئے گہتری انت۔ آئی ءَ گوشت کہ قرآن زندمان ءِ گوازینگ ءِ شاہ دپتر انت۔ آئی ءَ گوشت کہ وھد ءِ روبرکتی ملک آں رواں گڈا اخلاقی کد ءُ بالاد ءَ گنداں گڈا شرم کئیت ءُ اپسوزی بیت کہ مئے ملک لا الہ الا اللہ ءِ بیات ءِ سر ءَ جوڑ بوتگ ادا چے بوھگ ءَ انت۔ مزن وزیر عمران خان ءَ گوشت کہ آصف علی زرداری آئی ءَ را سرجمیں دگنیا ءَ کرپٹ سہرا کتگ۔ اے ملک ءَ ایک زرداری سب پر بھاری ءِ جاک ءُ نہردگ جنگ بیت چیا کہ آ زر دنت۔ نواز شریف ڈاکو انت، ملک ءَ دروگ بستگ ءُ تتکگ۔ گوشگ بوتگ ات کہ آ جہاز ءِ سر ءَ لکپت نہ کنت ، بلے اے درست پہ تچگ ءَ شتل ءُ چال اتنت۔ نوں آ گشتانک دیگ ءَ انت کہ آوانی منصوبگ ایش بوتگ کہ دوسال ءَ چہ درستیں ڈاکو ءُ ڈنگ یکجا بہ بئے ءُ عمران خان ءَ بہ ترسیت ات تانکہ آ این آر ا و بہ دنت۔ ھمے وڑ کہ مشرف ءَ داتگ۔ این آر او راج ءُ گوں ظلم ات۔ من اچبر ایشاں این آر او نہ دیاں۔ مزن وزیر ءَ گوشت کہ اے مئے ٹیمب کنت۔ ھمے وڑ من کرکٹ ءِ دگنیا ءَ نیوٹرل امپائر آورتگ۔
