اسلام آباد۔6مارچ (اے پی پی): قومی اسمبلی ءَ مزن وزیر عمران خان ءَ را ووٹ آف کونفیڈننس ءِ منظوری داتگ، ھواریں رنگ ءَ پاکستان تحریک انصاف ءُ ایشی ءِ ھمبراھ داریں گل آنی 178 باسک آں مزن وزیر عمران خان ءَ را ووٹ آف کونفیڈننس ءِ درشان کتگ۔ کانود ءِ آرٹیکل 91 ءِ لڑ 7 ءِ رد ءَ قومی اسمبلی ءِ دیوان برجم دارگ بوت۔ مزن وزیر عمران خان ءَ 2018 ءَ وزارت ءِ سیٹ ءَ را گپت گڈا اے وھد ءَ راجی اسمبلی ءِ 176 باسک آں ووٹ آف کونفیڈننس دات۔ شمبے ءِ روچ ءَ راجی اسمبلی ءِ دیوان سپیکر اسد قیصر ءِ سروکی ءَ برجم دارگ بوت۔ شاہ محمود قریشی ءَ قرار داد پیش کت ایشی ءَ چہ پد اسپیکر ءَ ایون ءَ را ووٹ آف کونفیڈننس دیگ ءِ رپک ءُ رھبند گوشت انت۔ سپیکر ءَ ایوان ءَ را ووٹنگ ءِ کار رپک ءَ را گوشاں گوشت کہ ووٹنگ ءَ پیش پنچ منٹ ءَ گھنٹی آں بجن ات۔ توامیں در آناں بند کنگ بوت۔ ووٹنگ ءِ کار ءِ سر جم بوھگ ءَ چہ پسر اچ کس در آں پچ مہ کنت کس توک ءَ یا ڈن ءَ مہ روت۔ ھمک ووٹ دیوک ءِ نام توار جنگ بیت ایشی ءَ چہ پد آ لابی ءَ بہ روت ءُ وتی ووٹ ءَ رجسٹرڈ بکنائین ایت۔ ووٹ آف کونفیڈننس ءَ چہ پد سپیرک ءَ گوانک جت ءُ ایشی کامیات بوھگ ءِ جار جتگ۔ آئی ء۔ گوشت کہ ایوان ءَ ووٹ آف کونفیڈننس داتگ ءُ ایش منظور بوتگ۔ سپیکر ءَ گوشت کہ ایشی ءَ چہ پیسر اگست 2018 ءَ عمران خان 176 ووٹ گران ءَ مزن وزیر گچین بوتگ نوں دو سال ءُ نیم ءَ چہ پد آئی ءَ 178 ووٹ در جتگ۔
