اسلام آباد۔16مارچ( اے پی پی ) پاکستان ءُ برازیل ءَ دیمپانی کمک، شہری ہوا بازی، زرکاری، باپاری ءُ وانگءُ زانگءَ ھوار بازیں پڑآنی تہا من ءُ گر آں گڈی دروشم دیئگ ءِ سرءَ تپاک کنگ بوتگ۔ اے تپاک پنچ شمبے ءِ روچءَ ھڈ بوتگیں پاک۔ برازیل دو نیمگی سیاسی شورءُ صلہ ءِ چارمی بھرءِ تہا کنگ بوتگ۔ دری کارا نی وزارت ءِ ڈائریکٹر جنرل ( امریکاز) شجاع عالم ءَ پاکستان وھدے کہ نائب سیکرٹری جنرل برائے پیسفک ءُ ڈائریکٹر جنرل برائے جنوبی ، وسطی ایشیا ءُ پیسفک ایر ے قنتیلاءَ برازیل ڈل ءِ سروکی کتگ۔ پاکستان ءَ برازیل ءِ سفیر کلاڈیو لینز ھم ڈل ھمراہ بوتگ۔ دری کارانی کارگس ءِ جارچین ءَ گشتگ کہ دوھیں فریق آں دو نیمگی سیادی ءِ دراھیں بھرآنی تپاسی کتگ ءُ دونیمگی کمکءَ را گیش مھکم کنگءِ ھاترءَ ھاترھاسیں پڑآنی تہا موھانی نام گرگ بوتگ۔ خطہ ءِ تہا امن ءُ ایمنی ءُ سلامتی ءِ جاورھال ءِ سرءَ ھم باستءُ واست کنگ بوتگ۔ دوھیں فریق آں ھاس باپاری پڑآں ءُ دیمپانی ، وانگءُ زانگ ءُ دود ءُ ربیدگ ءِ پڑآں کمک ءَ را گیش کنگ ءِ سرءَ چم شانکی دیئگ بوتگ۔
