اسلام آباد۔6مارچ (اے پی پی):عوامی مسلم لیگ ءِ سروک ءُ وزیر ءِ توکی کار شیخ رشید احمد ءَ گوشت کہ مزن 2وزیر ءَ گریب آنی واستہ بے کساس کار کتگ پدا ھم گریبیں الس ءُ پگار گروکیں تبک مزور آنی جاور گہتر کنگ ءِ واستہ کوشست آناں گیش ترند کنگ ءِ ضلورت انت، ھمے رنگ ءَ مزن وزیر َ ختم نبوت ءِ بیرک ءَ را برز ءُ بلند کتگ اللہ پاک پاکستان ءَ عمران خان ءِ بیرک ءَ بلند کنت۔ شمبے ءِ روچ ءَ راجی اسمبلی ءَ ووٹ آف کونفیڈننس ءِ منظوری ءَ چہ پد ھیال آنی درشانی کنان ءَ السی مسلم لیگ ءِ سروک شیخ رشید احمد ءَ گوشت کہ گوستگیں وھد ءَ من وتی زندمان ءَ دیستگ کہ دھ دوہازدہ مردم آں سرجمیں نظام ءَ را اپ سیٹ کتگ۔ مزن وزیر ءَ تباہیں معیشت ءَ را دیمروئی داتگ ءُ 20 ارب ڈالر ءِ وام آناں سرپلس کتگ ایشی ءِ گوستگیں وھد ءَ درور نہ رس ایت۔ آئی ءَ گوشت کہ گوستگیں وھد ءَ بازیں مردم آنی گوما کار کتگ بلے اے وڑیں کار کہ عمران کان ءَ کتگ اچ کس ءَ نہ کتگ۔ آئی ءَ گوشت کہ دو سال ءُ نیم گوستگ اللہ پاک ءَ مزن وزیر ءَ را نوکیں سیاسی زندمان ءِ داتگ۔ مزن وزیر ءَ گریب آنی واستہ بے کساس کار کتگ اے کوشست آناں گیش ترند کنگ ءِ ضلورت انت۔ آئی ءَ گوشت کہ 42 ملک آنی ارد مئے سروکی ءَ اردی ایکسرسائز کتگ ءُ مئے پاک فوج دگنیا ءِ 10 ٹوھیں اُرد آنی تہءَ یک ءِ جوڑ بوتگ۔ آئی ءَ گوشت کہ کشمیر ءِ ھوالگ ءَ مزن وزیر عمران خان ءَ یونائیٹڈ نیشن ءَ ھمے رنگ ءَ کیس کتگ ایشی درور اچ جاہ ءَ نہ رس ایت۔ آئی ءَ گوشت کہ ھمے رنگ ءَ نبی کریم ﷺ ءُ ختم نبوت ءِ ھمے رنگ ءَ عمران خان ءَ بیرک ءَ را برز ءُ بلند کتگ اللہ پاک عمران خان ءِ بیرک ءَ را اے ملک ءَ برز ءُ بلند کنات۔
