ایم کیو ایم پاکستان  ءِ پارلیمانی لیڈر خالد مقبول صدیقی ءَ را راجی اسمبلی ءَ چہ ووٹ آف کونفیڈننس در  جنگ ءِ پد ءَ مزن وزیر ءَ را مبارک بات

اسلام آباد۔6مارچ  (اے پی پی):ایم کیو ایم پاکستان ءِ پارلیمانی لیڈر خالد مقبول صدیقی ءَ راجی اسمبلی ءَ چہ ووٹ آف کونفیڈننس  در جنگ ءِ پد ءَ مزن وزیر ءَ را مبارک بات دیان ءَ گوشت  کہ مارا مھکمیں دیمروئی  کنوکیں ءُ جمہوری پاکستان لوٹ ایت۔  شمبےءِ روچ ءَ راجی اسمبلی ءَ  ووٹ آف کونفیڈننس  ءِ منظوری ءَ چہ پد دل یکیمی ءِ درشان کنان ءَ خالد مقبول صدیقی ءَ گوشت کہ مزن وزیر ءِ سر ءَ ایوان ءَ دل یکیمی کتگ۔   نوں تئی زمہ واری انت کہ تو راج ءَ را  شرپ ءُ ازت بدئے۔  تئی پیسلہ آنی تہ ءَ ھمبراھ داریں  پارٹی آنی دل یکیمی  ءِ ھوار کنگ المی انت۔ ما تئی سر ءَ دل یکیمی ءِ درشان  کتگ۔ ما ایوک ءَ دزگروکیں دست  نہ آں، ما دیوک ھم است آں۔  پاکستان ءِ جوڑ کنگ ءِ یک مول ءُ مراد ءِ بوتگ، ما لوٹاں کہ اے  مول ءُ مراد تئی دست ءَ   پیلو بہ باں، ما لوٹاں کہ ادا دھکان ءِ سروکی ءَ دھکان بہ کنت۔  سردار ءُ  ٹھیکہ دار ءِ مہ کنت۔  آئی ءَ  گوشت کہ من  دل یکیم آں کہ  تو مئے گوما کتگیں سوگند آں پیلو کنئے۔