اسلام آباد۔16مارچ( اے پی پی) چیئرپرسن قومی کمیشن برائے انسانی ترقی سینیٹر رزینہ عالم خانءَ گشتگ کہ صنفی برابری ءِ گوما معیاری وانگ ءُ زانگ ءَ را چکاناں سرکنگ وھدءِ ھاسیں ضلورت اِت تنکہ آؤکیں نسل آنی ھاترءَ موھ ودی کنگ بہ بیت، چکاناں وانگءُ زانگءِ پھجاری ریاست ءِ بنیاتی زمہ واری ءُ انفرادی ءُ چاگردی دیم روئی ءِ ھاترءَ ضلوری اِنت۔ آ پنچ شمبے ءِ روچءَ اِدءَ ادارہ جاتی چا رءُ تپاسی ءُ اعلیٰ انتظامی اجلاسءَ گوں تران کنگ ءَ بوتگ۔ آئی ءَ گشتگ کہ گوستءِ حکومت آنی نیمگءَ چہ بدبھتی ءَ وانگءُ زانگءِ سرءَ دلگوشی کنگ نہ بوتگ کہ ایشی ءِ نتیجگ ءَ ناوانندگیں مردمانی کساس 5کروڑ 70لکھ ریکارڈ کنگ بوتگ۔ آئی ءَ گشتگ کہ مسلم لیگ(ن) ءِ انوگیں حکومتءَ ملک ءِ تہا وانگ ءُ زانگ ءِ مھکمیں بنیات ءِ ھاترءَ بازیں گامگیجے کتگ ءُ وانگ ءُ زانگی نظامءِ ھاترءَ سک باز دلگوشی کتگ۔ اے گامگیجانی نتیجگ ءَ آ زھگ کہ وانگ ءَ نہ اَنت آھانی کساس 24ملین ءَ چہ کم بوتگ ءُ 22.6ملینءَ سر بوتگ ءُ گوستگیں سئے سالانی تہا سرکاری وانگ جاھانی تہا داخل بوھگءِ شرح 72ءَ چہ گیش بوتگءُ 77درسدءَ سربوتگ ۔
