اسلام آباد۔ 05 مارچ (اے پی پی) شہریارخان آفریدی نا کماشی ٹی پارلیمانی کشمیر کمیٹی وضاحت کرینے کہ پاکستان و بھارت نا کنڈآن ساڑی آ جنگ بندی نا بارواٹ کمیٹی نا ٹویٹ کلہوءِ سیاق و سباق آن اسہ پلو پیش کننگانے و غٹ پاکستانیک بزرگ حریت راہشون سید علی گیلانی نا شرف ءِ کیرہ۔ کشمیر میڈیا سروس نا رداٹ کمیٹی تینا تازہ ٹویٹ کلہو اٹ پارے کہ مون نا ٹویٹ اٹ سید علی گیلانی نا بابت ہچ اس الوکہ و غٹ پاکستانیک اونا پورو شرف ءِ کیرہ۔ ٹویٹ اٹ پاننگانے کہ ہرااکاؤنٹ نا بارواٹ بے گرج وڑاٹ شور کننگ انگ ءِ ءِ چیئرمین کمشیر کمیٹی شہریار آفریدی سنبھالپننگ ءِ۔ کلہو اٹ غٹ کڑدہ غاتیا زور شاغنگاکہ او یکجامرسا کوزہ گیر بھارتی انتظامیہ نا کنڈآن کودک کشمیری تا نسل کشی ءِ تورفنگ و جہانی کہول آ بے نقاب کننگ آ تینا چکار ءِ کیر۔ ٹویٹ اٹ غٹ کشمیری کارندہ غاتیان خواست کننگانے کہ اگہ کس اس نا جوزہ مجروح مسنے تو نن سوج انا ورندی ءِ ٹویٹ نا وضاحت ءِ کننگ اُن۔ نن تینا صف آتیٹی سیوت ءِ مون آ دننگ نا کمک اٹ مقبوضہ جموں و کشمیر اٹ کودک کشمیری تا نسل کشی ءِ بے نقاب کننگ آ تینا چکار ءِ کین۔
