اسلام آباد۔ 05 مارچ (اے پی پی) بنجائی وزیر حوالکاری و شینکاری سینیٹر شبلی فراز پارینے کہ وزیراعظم عمران خان نا ویژن نا رداٹ سیل وسوات نا بشخ ءِ شونداری تننگ انگ ءِ تانکہ ملک اٹ روزگار نا وارخواہی ودی مننگ کے، پیراگلائیڈنگ اٹ ورناتا است خواہی ودنگ ءِ، داوڑنا سرجزآتیان نئے بیرہ گوازی تے مون آ دننگک بلکن سیل و سوات نا بشخ اٹ ہم شونداری مریک۔ او جمعہ نادے آ داڑے مسہ دے ئی سیل و سواتی و خاہوتی میلہ نا بنائی دود آن تران کریکہ۔ بنجائی وزیر ڈٹ بندی، شونداری، اصلاحات و خصوصی گام گیج اسد عمر، بنجائی وزیر توانائی عمرایوب، بنجائی وزیر ہوابازی غلام سرور خان، وزیراعظم نا خصوصی کمکار ذوالفقار بخاری، بنجائی وزیر بین الصوبائی رابطہ و گوازی فہمیدہ مرزاآن بیدس ملک انا چندی بشخ آتیان سیل و سوات و گوازی تا بشخ آن تعلق تخوک آ نمان شخصیت آتا بھلو کچ اس دود اٹی ساڑی ئسر۔
