ڈرگ ریگولیٹری اتھارٹی 60 سال آن زیات وئی نا بندغ آتیکن سائنو فارم ویکسین نا ہلہلہ ئی کاریم اٹ اتنگ نا منظوری ءِ تس، نیشنل کمانڈ اینڈ آپریشن سینٹر

اسلام آباد۔ 05 مارچ (اے پی پی) ڈرگ ریگولیٹری اتھارٹی (ڈریپ) 60 سال آن زیات وئی نا بندغ آتیکن چینی کمپنی نا تیار کروک سائنو فارم ویکسین نا ہلہلہ ئی کاریم اٹ اتنگ نا منظوری ءِ تس۔ نیشنل کمانڈ اینڈ آپریشن سینٹر(این سی او سی) نا کنڈآن جاری اعلامیہ نارداٹ ڈریپ نا موکل آن پد نیشنل امیونائزیشن مینجمنٹ سسٹم (نمز) اٹ رجسٹرڈ 60 سال آن زیات وئی نا غٹ ہیلتھ کیئر ورکرز مجاز کوویڈ ویکسین سینٹر آن ویکسین خلفنگ کیرہ۔