اسلام آباد۔ 05 مارچ (اے پی پی) مچ آ ملک اٹی کورونا دین آن پین 52 بندغ زوال کریر، زوال کروک آ بندغ آتا کچ 13 ہزار 128 مس، 1579دین آن زہمی ، 1551نا حالیت نازرک ءِ۔ کورونا ناجوڑ آتا کچ اٹی ولدا ودکی مننگ ءِ، تدوک آ 24 گھنٹہ ٹی ملک اٹی کورونا دین انا 1 ہزار 579 پوسکن ءُ کیس رپورٹ مس۔ ہلوک آ دین کورونا دین اٹ اختہ بندغ آتا کچ اٹ اسہ وار ولدا ترندی اٹ ودکی مون آ بننگ ءِ۔ نیشنل کمانڈ اینڈ آپریشن سینٹر نا پاننگ ءِ کہ تدوک آ 24 گھنٹہ ٹی کورونا دین انا یک و نیم ہزار آن زیات پوسکن ءُ کیس مون آ بسنے، ملک اٹ جم کورونا کیس آتا کچ 5 لکھ 87 ہزار 14 مسنے۔ ملک اٹ کورونا دین انا فعال کیس آتا کچ 17 ہزار 117 مس۔ این سی او سی نا کنڈآن ملک اٹ 24 گھنٹہ ٹی کورونا دین انا ٹیسٹ مثبت بننگ نا کچ 4.15درسد پاننگ انگ ءِ۔ این سی او سی نا رداٹ تدوک آ 24 گھنٹہ ٹی کورونا دین انا پین 52 ناجوڑ زوال کریر اوکان پد ملک اٹی کورونا دین آن مرک آتا کچ 13 ہزار 128 مس۔ نیشنل کمانڈ سینٹر نا پاننگ ءِ کہ کورونا دین آن دراخ جوڑ ناجوڑآتاجم کچ 5 لکھ 56 ہزار 769مسنے۔ این سی او سی نا رداٹ تدوک آ 24 گھنٹہ ٹی کورونا دین انا 37 ہزار 998 ٹیسٹ کننگا، داتم اسکان ملک اٹی 9،135،393کوویڈ 19 ٹیسٹ مسنے۔ مچ آ ملک انا 735 ہسپتال آتیٹی کورونا دین انا اسہ ہزار 551 کیس نازرک حالیت نا ءُ۔
