کوئٹہ۔ 05 مارچ (اے پی پی) بلوچستان نا علاقہ سبی مٹھڑی نا خڑک قومی شاہراہ غا مہران کار و ٹیلر اسے نا ڈوک لگنگ اٹ مہران کار اٹ سوار 6 بندغ ٹھپی مسر۔ پولیس نا رداٹ جمعہ نادے آ بلوچستان نا علاقہ سبی مٹھڑی نا خڑک قومی شاہراہ غا مہران کار و ٹیلر اس ڈوک لگار ہراٹی کاراٹ سوار 6 بندغ ٹھپی مسر، ٹھپی مروک آ بندغ آتے ایدھی ایمبولینس و ہائی وے پولیس سی ایم ایچ آ گدریفے، ہراڑے اوفتے طبی امداد تننگ انگ ءِ، ٹھپی مروک آ بندغ آتیٹی مسہ بندغ نا حالیت نازرک پاننگ انگ ءِ۔ زیات ٹھپی مروک آ بندغ آتے سی ایم ایچ اٹی طبی امداد فراوان کننگ آن پد کوئٹہ کن ریفر کننگک، ٹھپی مروک آتا تعلق سبی آن پاننگ انگ ءِ۔
