کوئٹہ۔ 05مارچ (اے پی پی) بلوچستان عوامی پارٹی نا مرکزی راہشون حاجی میر داؤد خان شاہوانی سینیٹ نا گچین کاری تیٹی بلوچستان عوامی پارٹی نا مرکزی سیکرٹری جنرل منظور احمد کاکڑ، سعید احمد ہاشمی، پرنس آغا عمر جان احمدزئی، دھنیش کمار یلیانی، ثمینہ ممتاز، عبدالقادر تون اوار ایلوفتے سینیٹر گچین مننگ آ مبارکبادی ترسا پارینے کہ بلوچستان عوامی پارٹی نا اومیتدار آتا سرسہبی نا سہرا وزیراعلیٰ بلوچستان جام کمال خان و حکومتی سیوتی جماعت آتے کاہک۔ ہرافک پبی یکجہتی نا درشانی ءِ کرسا تینا مخ تف اومیتدار آتے سرسہبی ترفنگ اٹ اہم کڑد ادا کرینو۔ اوپارے کہ بلوچستان عوامی پارٹی نا پوسکن گچین مروک آ سینیٹر آک ایوان بالا سینیٹ اٹ بلوچستان نا الس نا پبی نمائندگی ءِ پک کننگ اٹ تینا اہم ءُ کڑد اس ادا کیرہ۔ اوپارے کہ بلوچستان عوامی پارٹی اسٹ انگا نمائندہ جماعت ءِ ہرانا پنی مننگ اٹ ودکی مرسا کننگ ءِ و وزیراعلیٰ بلوچستان جام کمال خان عالیانی صوبہ غان پسماندگی نا چٹفنگ و الس نا راجی آسراتی نا شونداری و شونہالی و شونہالی کن عملی وڑاٹ بے پرخ السی خذمت آتے پک کننگ ءِ۔
