گوادر۔ 16مارچ (اے پی پی) وزیراعلیٰ بلوچستان نواب ثناءاللہ خان زہری پارینے کہ وزیراعظم پاکستان محمد نواز شریف سی پیک ڈٹ انا تغ ئِ حقیقت اٹی بدل کرے، بلوچستان نا الس محب وطن ئُ شونداری مخالف پاکستان اٹی شونداری خواپسہ ہنداخاطران اوفک ناخوش ئُ، گوادر نا بابت زوت کانود سازی اس کینہ، سی پیک ڈٹ انا پوروی آن نئے بیرہ بلوچستان بلکن پاکستان شونداری نا کسر آ روان مریک۔ داخیال آتا درشانی ئِ او پنچ شنبے نا دے گوادر اٹی لس جلسہ آن تران کرسا کرے۔ جلسہ ٹی وزیراعظم محمد نواز شریف ، گورنر بلوچستان محمد خان اچکزئی، بنجائی وزراءجنرل (ر) عبدالقادر بلوچ ، احسن اقبال، سعد رفیق، صوبائی وزراءڈاکٹر حامد خان اچکزئی تون اوار ایلو راہشونک ہم ساڑی ئسر۔ وزیراعلیٰ بلوچستان نواب ثناءاللہ خان زہری پارے کہ بلوچستان نا الس محب وطن ئُ گوادر اٹی واپاری سرجز آتا بناءمسنے ، محمد نواز شریف نا مخالف آک خواپسہ کہ ملک شونداری نا کسرآ روان مرے، سی پیک ڈٹ انا غٹ آن زیات فائدہ بلوچستان نا الس ئِ مریک اگہ شونداری مخالف آک محمد نواز شریف نا مستین اٹی حکومت ئِ چٹفتوسہ تو اینو پاکستان نا نقشہ بدل مسکہ ولے وزیراعظم چار سال اٹی پاکستان ئِ دُوارہ شونداری کروک ملک آتا صف اٹی اوار کرے ، وزیراعلیٰ نا پاننگ ئس کہ وزیراعظم محمد نواز شریف ملک آن دہشت گردی نا چٹفنگ کن ہراکڑد ئِ ادا کرینے او ہردے روشناآنبار پاش ئِ، اوپارے کہ جہانی کہول آ پاکستان ئِ معاشی وڑاٹ گچین ئُ ملک اس گوندانے سی پیک ڈٹ انا پوروی آن بجلی نا لوڈشیڈنگ چٹک سی پیک نا غٹ آن زیات فائدہ بلوچستان نا الس ئِ مریک گوادر نا الس شونہال مریک ، جلسہ آن ضلعی چیئرمین بابو گلاب ہم تران کرے۔
