اسلام آباد۔4مارچ (اے پی پی): مزن وزیر عمران خان ءَ گوشت کہ آ شمبے ءِ روچ ءَ راجی اسمبلی ءَ چہ دل یکیمی ءِ ووٹ ءَ گپت، اگاں دل یکیمی ءِ ووٹ ءِ گپت نہ کت گڈا آ اپوزیشن ءَ روت ءُ نند ایت، پی ڈی ایم ءِ لیڈر یات بدار انت کہ حکومت ءَ باں یا نہ باں ملک ءِ دُز ءُ ڈنگ آنی گوما مقابلہ ءَ کناں، تاں وھد ء، زندگ آں کانود ءِ سروکی ءِ واستہ جہد ءُ کوشست ءَ جاڑی دار آں، منا حکومت ءِ روگ ءُ کپگ ءَ چہ اچ پرک نہ کپ ایت، میثاق جمہوریت ءَ سینیٹ گچین کاری اوپن کنائینگ ءِ سر ءَ تپاک کنوک آں سپریم کورٹ ءَ ایشی ءِ ھلاپ کتگ، آوانی مول ءُ مراد یوسف رضا گیلانی ءَ را زر ءِ سر ءَ کامیات کنائینگ ءُ منی سر ءَ دل یکیمی نہ کنگ ءِ تلوار ءِ درنجگ ات، الس آناں پیسلہ کنگی انت کہ آواں دُز آنی گوما ھمبراھ داری کنگی انت یا ملک ءَ را دیمروئی ءِ کشک ءَ رھادگ کنگی انت۔ ایوک ءَ کانود کرپشن ءَ را ھلاس کت نہ کنگ بلکینگ ءَ ایشی ءِ واستہ سرجمیں راج ءَ را جہد ءُ کوشست کنگی انت۔ پنچ شمبے ءِ روچ َ راج ءَ گوں گشتانک دیان ءَ مزن وزیر عمران خان ءَ گوشت کہ سینیٹ ءِ بوھوکیں گچین کاری ءَ من وتی راج ءَ گوں تران کنگ لوٹاں، ایشی ءِ بابت ءَ راج ءَ را سرپد کنگی ھمے واستہ المی انت کہ اگاں آ اے گچین کاری ءَ را ءَ بہ پھم انت گڈا ملک ءِ توامیں جیڈھ آوانی پھم ءَ کاینت۔آئی ءَ گوشت کہ اپوزیشن ءِ ھیال بوتگ کہ منی سر ءَ دل یکیمی نہ کنگ ءِ تلوار ءَ بہ درنج ایت، من وت ایوان ءَ چہ دل یکیمی ءِ ووٹ گرگ ءِ پیسلہ کتگ، اگاں اسمبلی ءِ باسک آں دل کت گڈاس اپوزیشن ءَ ننداں، من ءَ ڈن ملک ءَ کجام محل جوڑ کنگی انت، راج ءِ ازمت ءِ جوزگ ءَ سیاست کنگ ءَ آں، سروک سیٹ ءَ مہ باں گڈا جندی زندمان ءَ اچ پرک نہ کپ ایت۔
