اسہ کنڈآ عمران خان نا بیدس کانودی زور اسےنا پت انا وونٹ ہلنگ نا فیصلہءِ تو ایلو کنڈآ وونٹ آتا خریداری، داکان زیات مون و پیہن نا پرخ مننگ کپک، اسد عمر

اسلام آباد۔ 04 مارچ (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر پارینے کہ اسہ کنڈآ عمران خان تینا عہدہ غا سلنگ نا اخلاقی جواز کن بیدس کانودی زور اسے نا پت انا وونٹ ہلنگ نا فیصلہ ءِ کرینے تو ایلو کنڈآ وونٹ آتے ہلنگ انگ ءِ۔ تینا ٹویٹ اٹی حکومت و اپوزیشن نا اخلاقی قدر انا موازنہ ءِ کرسا اوپارے کہ اسہ کنڈآ وزیراعظم عمران خان قومی اسمبلی آن پت انا وونٹ ہلسا داپک کننگ خواہک کہ اوڑتون تینا عہدہ نا بیرہ کانودی آخا، اخلاقی جواز ہم ارے و ایلو کنڈآ اخلاقیات نا داحال ءِ کہ ضمیر نا بولی خلسا وونٹ آتے ہلنگ انگ ءِ، داکان زیات مون و پیہن نا پرخ مننگ کپک۔