راولپنڈی۔3مارچ (اے پی پی):پاک فوج ءِ سروک جنرل قمر جاوید باجوہ ءَ گوں سےکمانڈر قطر امیری لینڈ فورسزمیجر جنرل سعیدحسن محمد الخیرینءَ گندءُ نند کتگ ۔ گندءُ نند ءَ دونیمگی کسبی کار، دمگی سلامتی ءِ جاورھال ءَ ہوار اوگان امن ءُ ایمنی عمل ءُ دونیمگی دیمپانی ءُ سلامتی ءِ کمک ءَ را گیش کنگ ءِ سرءَ ھیال ءُ لیکہ ءِ درشانی کنگ بوتگ۔ آئی ایس پی آر ءِ ردءَ حاسیں مہمان آناں دمگی امنءُ ایمنی ءِ ھاترءَ پاک فوج ءِ کوشستاناں ساڑاتگ ءُ اے گپ ءِ درشانی کتگ کہ پاکستان ءُ گتر ءِ نیام ءَ دونیمگی سیادی اَست اَنت ءُ دوئیں ایشی ءَ چہ پائدگ چست کنگ ءَ اَنت۔ آرمی چیف ءَ حاسیں مہمان ءِ شگرءُ منت گپتگ ءُ گشتگ کہ پاک فوج گتر سیادی ءَ را باز ارزشت دنت۔ ایشی ءَ چہ پیسر جی ایچ کیو سربوہگ ءَ کمانڈر قطر امیری لینڈ فورس ءَ شہیدآنی یات گار ءِ سرءَ پھلانی چادر پِرداتگ ۔ پاک فوج ءِ دستہ ءَ آئی ءَ را سلامی پیش کتگ۔
