اسلام آباد۔ 16مارچ (اے پی پی) پاکستان مسلم لیگ (ن) نا راہشون و باسک قومی اسمبلی دانیال عزیز پارینے کہ الیکشن کمیشن نا فیصلہ نا برخلاف اپیل کینہ و فیصلہ ئِ چیلنج کینہ۔ عمران خان و جہانگیر ترین ئِ بے نقاب کرسا ہلنہ۔ الیکشن کمیشن نا پیشن میڈیا تون ہیت وگپ کرسا اوپارے کہ عمران خان و جہانگیر ترین نا نابودی کن ریفرنس خارج کننگ نا الیکشن کمیشن نا فیصلہ ئِ اسلام آباد ہائی کورٹ و سپریم کورٹ اٹی ہم چیلنج کینہ۔ او پارے کہ عمران خان و جہانگیر ترین بدنیت ئُ۔ اوفتا تہہ آن کالک ئِ پیشن کشنہ۔ دانیال عزیز پارے کہ تحریک انصاف والاک داسہ انت کن پاپسہ کہ نن دا فیصلہ ئِ منپنہ اوفک ننے آ دوبہ خلکر۔ وزیراعظم محمد نواز شریف تینا ہر مسہ نسل انا حساب ئِ تننگ ئِ وخت اس کہ عمران خان تینٹ میرات آتاڈکھنگ ، بنی گالہ نا اُرا و درملکی فنڈنگ نا حساب ئِ تفننگ ئِ۔ اوپارے کہ تحریک انصاف دوبہ اس جوڑ مسنے، عمران خان و جہانگیر ترین سٹے نا پد اٹ ہراوخت اسکان تینے ڈکرہ اوفتے حساب تروئی مریک، اوتکنیکی بنداو تیا جان ئِ بچفینو۔ اوپارے کہ نن تینا کانودی حق ئِ رکھ تخنہ و داسہ نن سپریم کورٹ تون رجوع کینہ۔ عمران خان و جہانگیر ترین ئِ بے نقاب کرسا ہلنہ۔
