اسلام آباد۔ 03 مارچ (اے پی پی) وزیراعظم عمران خان سینیٹ نا گچین کاری تا وخت آ تینا حق رائے دہی ءِ کاریم اٹ ایس۔ چارشنبے نادے آ قومی اسمبلی ہال اٹی سینیٹ نا گچین کاری تا وخت آ جوڑ پولنگ بوتھ اٹ وزیراعظم وونٹ بِٹنگ کن بس تو داوخت آ بنجائی وزیرآک، حکومتی باسک آک ڈیسک آتے خلسا اودے بخیر کریر۔ گڑاس زالبول باسک آتون اوار ایلوفک عمران خان زندہ باد نا نعرہ خلکر۔ وزیراعظم عمران خان تون اوار بنجائی وزیر ڈاکٹر حفیظ شیخ، شاہ محمود قریشی، چوہدری فواد حسین و ایلو باسک آک ہم ساڑی ئسر۔ وزیراعظم عمران خان تینا بیلٹ پیپر ءِ ہلسا تینا حق رائے دہی ءِ کاریم اٹ ایس۔ وونٹ بِٹنگ آن پد وزیراعظم عمران خان اسمبلی نا باسک آتون ملا۔ داوخت آ گڑاس باسک وزیراعظم تون فوٹو ہم ہلکر۔ وزیراعظم وونٹ بِٹنگ آن پد قومی اسملبی ہال آن روانہ مس۔
