اسلام آباد۔ 16مارچ (اے پی پی) بلوچستان حکومت نا ترجمان جان اچکزئی پارینے کہ وزیراعظم محمد نواز شریف گوادر اٹی برجاشونداری پروجیکٹ آتا زوت پوروی نا خواہندار ئِ۔ ریڈیو پاکستان تون ہیت وگپ کرسا او پارے کہ وزیراعظم محمد نواز شریف نا اولیت گوادر اٹی برجاچین پاکستان اقتصادی راہداری نا رداٹ برجاڈٹ آتے تینا تخوک آ وخت اٹی پوروی ئِ۔ اوپارے کہ وزیراعظم پاکستان تینا دورہ گوادر اٹی برجاچندی ڈٹ آتا جاچ ئِ ہلک و اودے داوخت آ غٹ ڈٹ آتا بارواٹی احوال ہم تننگا اوکان پد او پارت کرے کہ دا ڈٹ آتے زوت و تخوک آ وخت اٹی پورو کننگے۔ جان اچکزئی پارے کہ ہندا سوب ئِ کہ وزیراعظم باقاعدہ گوادرنا دورہ ئِ کننگ ئِ۔ اوپارے کہ وزیراعظم اینخو سال گوادر ایئر پورٹ و ایکسپریس وے ڈٹ آتا پوروی نا ہم خواہندار ئِ داڑتون اوار اوار ژوب آن کوئٹہ و برہان آن ڈیرہ اسماعیل خان نا نیام اٹ روڈ ئِ ہم بروخت پورو کرفنگ خوائک۔ اوپارے کہ ہنداغٹ ڈٹ آتا پوروی آن پد گوادر تون اوار مچ آ ملک اٹی شونہالی نا کسرآک ملنگرہ۔
