اسلام آباد۔ 03 مارچ (اے پی پی) وزیراعلیٰ پنجاب نا خصوصی کمکار حوالکاری ڈاکٹر فردوس عاشق اعوان پارینے کہ پی ڈی ایم نا پلیٹ فارم آن کرپشن نا بت بے نقاب مریک، ہر بروک آ دے پی ڈی ایم ءِ ایکسپوز کننگ ءِ، سینیٹ نا تقدس ءِ لتاڑوک آک بے نقاب مریرہ۔ سینیٹ نا اسہ سیٹ اسے کن پی پی پی جمہوریت نا جنازہ ءِ کشانے۔ چارشنبے نادے آ پارلیمنٹ ہاؤس نا پیشن گپ وتران کرسا فردوس عاشق اعوان پارے کہ ہربروک آ دے عمران خان نا موقف ءِ درست ثابت کننگ ءِ، پاکستان اٹ نوٹ آتا سیاست جہہ جاگہ مننگ والا ءِ، وونٹ ءِ شرف ایتبو نا نعرہ خلوک آک پسپائی اختیار کریر، ویڈیو پی ڈی ایم نا عزم ءِ بے نقاب کرے، افسوز ءِ کہ یوسف رضاگیلانی نا عزت ءِ گہیو تخنگا، پاکستان اٹ جمہوریت نا آبیاری نا چیمپیئن نا ویڈیو مون آ بس، داایوان نا اسہ باسک اس مون آن غائب ءِ و عدالت آتیان اشتہاری ءِ، پی ایم ایل این داادارہ نا کانود و روایت آتے لتاڑنگ نا سوب مس۔ ایوان نا گچین کاری تا مننگ آن پد ہم اسحاق ڈار بننگ کتو۔ عدالتی نروک ءِ اینو ہم داایوان آ اتنگتو، مفاد پرست آتا ٹولہ بے سہب مسنے، دا ٹولہ پاکستان آ ہمووخت آ بریرہ ہراتم اقتدار اٹ مریر و سرکاری جہاز مرے۔ اوپارے کہ پاکستان تحریک انصاف نا تہٹی غلطی نا ہچ ءُ گنجائشت اس اف، ہرکس کہ خلاف ورزی کیک اونا برخلاف جاست وپاست آن پد کارروائی کننگک، یوسف رضاگیلانی تغ اس خنانے و تغ خننگ آ ہچ ءُ پابندی اس اف۔ یوسف رضاگیلانی نا مار امنا کرینے کہ سوشل میڈیا آ وائرل مروک آ ویڈیو اونا ءِ، باوہ و مار انا سچائی ءِ میڈیا نشان ایتک، عبدالحفیظ شیخ پاکستان نا ضرورت ءِ، و پاکستان ءِ سہی کنڈآ دیک، 3 درزن آن زیات ایم پی اے وزیراعلیٰ پنجاب آ پت انا درشانی ءِ کرینو۔
