اسلام آباد۔ 03 مارچ (اے پی پی) بنجائی وزیر نجکاری محمد میاں سومرو و وزیرصنعت و پیدوار محمد حماد اظہر نا کماشی ٹی پاکستان اسٹیل مل کارپوریشن (پی ایس ایم سی) نا بحالی نا بابت بین الوزارتی دیوان چارشنبے نادے آ داڑے اڈ ہلک۔ بنجائی سیکرٹری نجکاری، ایڈیشنل سیکرٹری صنعت و پیدوار و اسٹیل مل انا ایلو بڑزکو عہدیدارآک ہم دیوان اٹی بشخ ہلکر۔ چیئرمین پاکستان اسٹیل ملز، چیئرمین پورٹ قاسم اتھارٹی(پی کیو اے) و صنعت آتا بنجائی سیکرٹری ویڈیو لنک انا کمک اٹ بشخ ہلکر۔ دیوان نا ایجنڈاٹی پی ایس ایم سی نا کمک اٹ پوسکن آ ذیلی ادارہ نا ٹہیفنگ، اہم آپریٹنگ میرات(کوآ) و کورلینڈ کارخانہ تون اوار پلانٹ و مشینری، اسٹاک ان ٹریڈ، اِرا بشخ انا تصدیقی و فیئر مارکیٹ ویلیوئشن(ایف ایم وی) نا بابت ویل آتیا گپ وتران کننگا۔ کلیدی آپریٹنگ میرات آتا پک و 31 دسمبر 2020ء اسکان مالی اسٹیٹمنٹ نا آڈٹ نا پوروی آ گپ وتران کننگا۔ یوٹیلیٹی کنکشن ناتجدید و منتقلی و ایس ایس جی سی نا آڈٹ اسٹینڈنگ واجبات نا تصفیہ نا بابت معاملہ ٹی گپ وتران کننگا۔ نیشنل بینک آف پاکستان و ایلو بینک آتا زمواری تا اول سر آن تنظیم و تصفیہ و وام تروک آتیان این او سی دوئی کننگ ہم داگپ وتران اٹی اوار ئس۔ پی ایس ایم سی و پورٹ قاسم اتھارٹی نا نیام اٹ جیٹی و رائٹ آف وے نا باندات آہم سرجم گپ وتران کننگا۔
