اسلام آباد۔ 03 مارچ (اے پی پی) وزیر مملکت موسمیاتی بدلی زرتاج گل پارینے کہ وزارت موسمیاتی بدلی بنجائی دارالحکومت اسلام آباد اٹی 23 میاواکی اربن جنگلات جوڑ کیک ہراڑآن شار انا سرسوز اٹی نمان ودکی مریک۔ چارشنبے نادے آ داڑے پاکستان اٹ آسٹریلیا نا ہائی کمشنر جیوفری شاتون اوار ایف نائن پارک اٹ شجرکاری مہم نا بنائی دود آن تران کریکہ۔ اوآسٹریلوی ہائی کمشنر نا کنڈآن ایف نائن پارک نا میاواکی جنگل کن 1200 درخت آتا ٹیکی تننگ آ منت واری ءِ ہرفے۔ وزیر مملکت پارے کہ آسٹریلوی حکومت پاکستان نا اولیکو واٹر پالیسی نا تیاری ٹی کمکاری ءِ کرینے وخت اس کہ بلوچستان اٹ خشک سالی نا اثرآتون مون تننگ اٹ ہم کمک فراوان کننگ ءِ۔ زرتاج گل پارے کہ ایف نائن پارک اٹ میاواکی نا جنگل آسٹریلوی ہائی کمیشن نا ٹیکی ءِ۔ میاواکی جنگل 10 سال اٹ تیار مریک وخت اس کہ اوڑآن چپ روایتی جنگل ءِ 30 سال نا وخت درکار مریک۔ اوپارے کہ ساف و جان جوڑ چاگڑد اٹ ساہ ہلنگ ننا بنداوی گرج ءِ و شاری علاقہ غاتیٹی سرسوز رقبہ ٹی ودکی آن دا بنداوی گرج ءِ پک کننگ مریک۔ اوپارے کہ 10 بلین ٹری سونامی پروگرام نا رداٹ 75 کروڑ آن زیات نیال خلنگ انگ ءِ و اینخو سیزن نا ایسر اسکان نن دا پروگرام نا رداٹ اول اسہ ارب درخت خلنگ نا ہدف ءِ دوئی کینہ۔ اسلام آباد اٹ پلاسٹک بیگ آتیا پابندی آ عملدرآمد نا چرجوئی ٹی چست کروک آ گام گیج آتا حوالہ ءِ ترسا وزیر مملکت پارے کہ پولی تھین بیگ انا کاریم اٹ اتنگ آ پابندی نا خلاف ورزی کروک آ شاری تے پنچ ہزار روپئی جرمانہ عائد کننگک۔ داوخت آ آسٹریلوی ہائی کمشنر ڈاکٹر جیوفری شاپارے کہ اسلام آباد اٹ شجرکاری آن شاری نا چاگڑد مست آن زیات ساف و خوشگوار مریک۔ اوپارے کہ آسٹریلوی حکومت موسمیاتی بدلی نا اثرآتون مون تننگ کن پاکستان ءِ کمک فراوان کننگ ءِ، نئے بیرہ دا ڈیہہ بلکن مچ آدنیا ءِ ماحولیاتی انحطاط نا مون تروک ءِ۔ اوپارے کہ نن وزیراعظم عمران خان نا دہ بلین ٹری سونامی مہم نا ستاءِ کینہ ہرا موسمیاتی بدلی نا اثرآتون مون تننگ اٹ کمکار مریک۔
اسلام آباد۔ 03 مارچ (اے پی پی) وزیر مملکت موسمیاتی بدلی زرتاج گل پارینے کہ وزارت موسمیاتی بدلی بنجائی دارالحکومت اسلام آباد اٹی 23 میاواکی اربن جنگلات جوڑ کیک ہراڑآن شار انا سرسوز اٹی نمان ودکی مریک۔ چارشنبے نادے آ داڑے پاکستان اٹ آسٹریلیا نا ہائی کمشنر جیوفری شاتون اوار ایف نائن پارک اٹ شجرکاری مہم نا بنائی دود آن تران کریکہ۔ اوآسٹریلوی ہائی کمشنر نا کنڈآن ایف نائن پارک نا میاواکی جنگل کن 1200 درخت آتا ٹیکی تننگ آ منت واری ءِ ہرفے۔ وزیر مملکت پارے کہ آسٹریلوی حکومت پاکستان نا اولیکو واٹر پالیسی نا تیاری ٹی کمکاری ءِ کرینے وخت اس کہ بلوچستان اٹ خشک سالی نا اثرآتون مون تننگ اٹ ہم کمک فراوان کننگ ءِ۔ زرتاج گل پارے کہ ایف نائن پارک اٹ میاواکی نا جنگل آسٹریلوی ہائی کمیشن نا ٹیکی ءِ۔ میاواکی جنگل 10 سال اٹ تیار مریک وخت اس کہ اوڑآن چپ روایتی جنگل ءِ 30 سال نا وخت درکار مریک۔ اوپارے کہ ساف و جان جوڑ چاگڑد اٹ ساہ ہلنگ ننا بنداوی گرج ءِ و شاری علاقہ غاتیٹی سرسوز رقبہ ٹی ودکی آن دا بنداوی گرج ءِ پک کننگ مریک۔ اوپارے کہ 10 بلین ٹری سونامی پروگرام نا رداٹ 75 کروڑ آن زیات نیال خلنگ انگ ءِ و اینخو سیزن نا ایسر اسکان نن دا پروگرام نا رداٹ اول اسہ ارب درخت خلنگ نا ہدف ءِ دوئی کینہ۔ اسلام آباد اٹ پلاسٹک بیگ آتیا پابندی آ عملدرآمد نا چرجوئی ٹی چست کروک آ گام گیج آتا حوالہ ءِ ترسا وزیر مملکت پارے کہ پولی تھین بیگ انا کاریم اٹ اتنگ آ پابندی نا خلاف ورزی کروک آ شاری تے پنچ ہزار روپئی جرمانہ عائد کننگک۔ داوخت آ آسٹریلوی ہائی کمشنر ڈاکٹر جیوفری شاپارے کہ اسلام آباد اٹ شجرکاری آن شاری نا چاگڑد مست آن زیات ساف و خوشگوار مریک۔ اوپارے کہ آسٹریلوی حکومت موسمیاتی بدلی نا اثرآتون مون تننگ کن پاکستان ءِ کمک فراوان کننگ ءِ، نئے بیرہ دا ڈیہہ بلکن مچ آدنیا ءِ ماحولیاتی انحطاط نا مون تروک ءِ۔ اوپارے کہ نن وزیراعظم عمران خان نا دہ بلین ٹری سونامی مہم نا ستاءِ کینہ ہرا موسمیاتی بدلی نا اثرآتون مون تننگ اٹ کمکار مریک۔
