اسلام آباد۔ 03 مارچ (اے پی پی) وزیر داخلہ شیخ رشید احمد پارینے کہ عمران خان اینو سینیٹ نا گچین کاری تیٹی سرسہب مریک۔ پنجاب اٹی غٹ ءِ بشخ رسینگانے، جمہوریت نا سوگوی و شونداری کن نن اواری اٹ بایدے کوشست کین۔ داخیال آتا درشانی ءِ او چارشنبے نادے آ داڑے صحافی تتون گپ وتران کرسا کرے، اوپارے کہ 120 درسد یقین ءِ کہ حفیظ شیخ سرسہب مریک۔ اوپارے کہ اسہ پارلیمنٹرین اس ہم ناراض اف، غٹ راضی ءُ۔ الیکشن نا خڑک ناراضگی و ویل آتے بیان کننگ جمہوریت نا بشخ ءِ، اینو جمہوریت کن اہم ءُ دے اسے، نن گچین کاری اصلاحات آتا کنڈآ بایدے کان تانکہ جمہوری عمل نا گچینی آن جمہوریت پین سوگو مرے۔ اسہ سوج اسے نا ورندی ٹی اوپارے کہ پنجاب اٹی غٹ ءِ بقدر جثہ رسینگانے، اسلام آباد اٹی عمران خان نا اومیتدار حفیظ شیخ کٹک۔
