اسلام آباد۔ 03مارچ (اے پی پی) زرکاری بورڈ انا کنڈآن چین پاکستان اقتصادی راہداری(سی پیک ) نا رداٹ صنعتی کمکاری و زرکاری نا مون آ دننگ کن کانفرنس پگہ 4 مارچ 2021 ء آ پشاور اٹی مریک۔ زرکاری بورڈ انا کنڈآن جاری سرجم حوال آتیٹی پاننگانے کہ ’’سی پیک صنعتی کمکاری و بی ٹو بی کانفرنس‘‘ 4 مارچ آ پشاور نا ہندی ہوٹل اٹ مریک۔ کانفرنس اٹ ہندی و درملکی زرکار و صنعتکار آتا پبی بشخ ہلنگ نا گمان ءِ۔ کانفرنس نا اڈتننگ آن ملک اٹ ہندی و درملکی زرکاری ٹی ودکی و سی پیک نا رداٹ صنعتی کمکاری ءِ مون آ دننگ اٹ کمک رسینگک۔ کانفرنس اٹ بشخ ہلنگ کن زرکاری بورڈ انا ویب سائٹ آن ہم معلومداری ہلنگ مریک۔
