اسلام آباد۔ 02 مارچ (اے پی پی) سپریم کورٹ سندھ آن تعلق تخوک آ پاکستان تحریک انصاف نا راہشون سیف اللہ ابڑو ءِ سینیٹ گچین کاری تیٹی بشخ ہلنگ نا موکل تس۔ عدالت عظمیٰ درخواست تروک شاہد علی رند ءِ سینیٹ گچین کاری آن پد تعلقدار فورم تون رجوع کننگ نا پارت کرسا سندھ ہائی کورٹ نا فیصلہ نا برخلاف دائر اپیل ءِ سرتسنے۔ سے شنبے نادے آ چیف جسٹس گلزار احمد نا کماشی ٹی مسہ باسکی بینچ سیف اللہ ابڑو ءِ سینیٹ گیچن کاری تیٹی بشخ ہلنگ نا موکل تننگ نا بابت سندھ ہائی کورٹ نا فیصلہ نا برخلاف دائر اپیلک ءِ سرتسنے۔ یات سلے کہ سیف اللہ ابڑو سندھ آن سینیٹ گچین کاری تیٹی ٹیکنو کریٹ نشست آ پاکستان تحریک انصاف نا پندار اومیتدار ءِ، الیکشن ٹرابیونل سیف اللہ ابڑو نا پندار کاغد آتے مسترد کریسس، سندھ ہائی کورٹ الیکشن ٹرابیونل نا فیصلہ ءِ کالعدم گوندسا سیف اللہ ابڑو ء، سینٹ گچین کاری تیٹی بشخ ہلنگ نا موکل تسوسس۔ سندھ ہائیکورٹ نا فیصلہ نا برخلاف درخواست تروک شاہد علی رند سپریم کورٹ اٹ اپیل دائر کریسس، درخواست تروک سیف اللہ ابڑو آ ٹیکنوکریٹ نا سفت آ پورو سلپننگ نادوبہ ءِ خلکوسس۔
