پاک چین سنگتی نا ہفتاد سالہ جشن آ وزارت خارجہ خصوصی ڈاکومینٹری ویڈیو اس جاری کرے

اسلام آباد۔ 02 مارچ (اے پی پی) لازوال پاک چین سنگتی نا ہفتاد سالہ جشن انا وخت آ وزارت خارجہ نا کنڈآن سے شنبے نادے آ خصوصی ڈاکومینٹری اس جاری کننگا۔ دا گونڈانگا ویڈیو ٹی ہمالیہ غان بڑز، سمندر آتیان کڑمب و شاد آن ہنین دا پاک چین سنگتی نا چندی پلو آتے تالان کننگانے۔ پاک چین سنگتی نا ہفتاد سالہ جشن انا بابت اینو سے شنبے نادے آ اسہ خصوصی ءُ دود اس ہم وزارت خارجہ ٹی اڈ ہلنگ ءِ۔ دادود اٹ وزیر خارجہ مخدوم شاہ محمود قریشی و چین نا وزیر خارجہ وانگ ژی بذریعہ ویڈیو لنک بشخ ہلیرہ۔