اسلام آباد۔ 02 مارچ (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ الیکشن کمیشن سینیٹ نا گچین کاری تیٹی وونٹ آتیکن نہاد تننگ و وڈی خوری ءِ توننگ کن ٹیکنالوجی ءِ کاریم اٹ اتنگ نا اہمیت ءِ امنا کرینے ولے حیرانی وڑاٹ او دا اصلاحات ءِ بروک آ گچین کاری تیکن پد بٹنگ ءُ۔ سے شنبے نادے آ تینا ٹویٹ اٹی فواد چوہدری پارے کہ سپریم کورٹ نا فیصلہ بہرحال جتا سلاہ ایتک ننکن ہڑتوم آ ادارہ غاک شرفمندی نا سوب ءُ۔ اوپارے کہ اپوزیشن سینیٹ نا گچین کاری تیکن اسہ باتروک ءُ جنگ اسے ٹی توانائی خلنگ ءِ، بیست ءُ چار گھنٹہ غان پد اوفتا غوغا کننگ بناکیک۔ اونا پاننگ ءِ کہ اپوزیشن والاک پوسکن ءُ کسہ اس پٹرہ ہراڑآن ٹی وی سکرین آباد مرے۔ اپوزیشن نا نابالغ سیاست ہڑدے ئی بنداو آ شین مریک ، اوفتے تون نے پوسکن ءُ حکمت عملی اس ارے نئے پالیسی اس۔
