فاٹااصلاحات نا خواست غٹ قبیلہ غاتا ئس، وزیراعظم محمد نواز شریف نا منت وار اُن کہ او ننا خواست آتیا کمیٹی اس جوڑ کرے، حاجی شاہ جی گل آفریدی

اسلام آباد۔ 16مارچ (اے پی پی) فاٹاآن باسک قومی اسمبلی حاجی شاہ جی گل آفریدی پارینے کہ فاٹااصلاحات نا خواست غٹ قبیلہ غاتا ئس۔ وزیراعظم نواز شریف نا منت وار اُن کہ او ننا خواست آتیا کمیٹی اس جوڑ کرے ، فاٹا نا انضمام ئِ زوت کننگے۔ پنچ شنبے نا دے قومی اسمبلی ٹی اعتراضی ٹک آ حاجی شاہ جی گل آفریدی پارے کہ آئین نا آرٹیکل (1) نا رداٹ فاٹا پاکستان نا بشخ ئِ۔ صدر مملکت ہراتم خوائے اسہ نوٹیفکیشن اسے نا رداٹ دادے خیبر پختونخوا نا بشخ جوڑ کننگ کیک۔ اوپارے کہ فاٹاا صلاحات کمیٹی ئِ ننا خواست آ جوڑ کرینے۔ ہراوخت اسکان فاٹا نا ساڑی آحال برقرار سلک حالیت آتیٹی گچینی بفک۔ نن وزیراعظم و صوبہ خیبر پختونخوا نا صوبائی اسمبلی نا ہم منت واراُن۔