کوئٹہ تون اوار مچ آ بلوچستان اٹی بلوچ کلچر ڈے ءِ جوش و جوزہ اٹ اڈتننگا

کوئٹہ۔ 02 مارچ (اے پی پی) کوئٹہ تون اوار مچ آ بلوچستان اٹی بلوچ کلچر ڈے ءِ جوش و جوزہ اٹ اڈتننگا، کوئٹہ تون اوار بلوچستان دودوربیدگ نا رنگ اٹ رنگی مس۔ سرجم حوال آتا رداٹ کوئٹہ تون اوار مچ آ بلوچستان اٹی دودوربیدگ نا دے ءِ اڈتننگا وخت اس کہ مچ آ پاکستان اٹ رہینگوک آ بلوچ آک دودوربیدگ نا دے ءِ سے شنبے نادے آ پبی وڑاٹ اڈتننگا۔ داوخت آ کوئٹہ نا شاریک ’’اے پی پی‘‘ تون گپ وتران کرسا پاریر کہ بلوچستان نا دودوربیدگ تینا اسہ یکتا ءُ حیثیت اس تخک، زندہ و باشعور قومک تینا دودوربیدگی قدر و میرات نا رکھ ءِ کیرہ، بلوچ قوم اسہ حسین تہذیب و دودوربیدگ اس تخرہ، ہراقومک تینا تہذیب و دودوربیدگ ءِ یات تخرہ ہموقومک زندہ سلرہ، اوپارے کہ بلوچ قوم اسہ عظیم و متکن ءُ روایت اسے نا امین ءُ قوم اسے۔ شاریک پاریر کہ بلوچ قوم امن و مہرومریبت و یکجہتی نا کلہو ایتک اوفک پاریر کہ دادے انا رداٹ ننے عہد کروئی مریک نن پاکستان خاص کر بلوچستان نا شونداری و شونہالی کن پبی کڑد ءِ ادا کینہ۔ داوخت آ بلوچ ورناک بلوچیلویس بیناسر۔ ورناک بلوچی قومی شئیر تیا رقص چاپ پیش کریر۔