بلوچستان چندی قوم، قبیلہ و رنگ ونسل آن تعلق تخوک آ مخلوق نا گلدستہ ءِ، وزیراعلیٰ بلوچستان جام کمال

کوئٹہ۔ 02 مارچ (اے پی پی) وزیراعلیٰ بلوچستان جام کمال خان پارینے کہ بلوچستان چندی قوم، قبیلہ و رنگ ونسل آن تعلق تخوک آ مخلوق نا گلدستہ ءِ ۔ ننا صوبہ نا یکتا دودوربیدگ،روایت وتہذیب و تمدن داڑے رہینگوک آ مخلوق نا پہچان ءِ، سی ایم سیکرٹریٹ آن جاری کروک بلوچ کلچر ڈے انا وخت آ تینا کلہو اٹی پارے، وزیراعلیٰ بلوچستان جام کمال خان مستی پارے کہ دودوربیدگ امن نا دودوربیدگ ءِ بلوچ کلچر ڈے ءِ اڈتننگ نا مسخت نئے بیرہ مہرومریبت، ایلمی و یگانگت ءِ لس کننگ ءِ بلکن داجاگہ نا متکن دودوربیدگ ءِ ہم تالان کننگ ءِ۔ تینا دودوربیدگ ءِ یات تخوک آ قومک شون ہلیرہ۔ وزیراعلیٰ بلوچستان جام کمال پارے کہ دودوربیدگ تینا اسہ یکتا ءُ حیثیت اس تخک۔ زندہ و باشعور قومک تینا دودوربیدگی و روایتی قدر و تاریخی میرات آتا رکھ ءِ کیرہ۔ اوپارے کہ بلوچ مصنف آک تینا نوشت آتیٹی رواداری، سگ، تحمل مزاجی، میانہ روی آ عمل کرسا اجتماعیت ءِ مون آ دننگ نا رغامک۔ اوپارے کہ بلوچ کلچر ڈے آنبار ایلو دودوربیدگ آتا دے ءِ ہم پبی وڑاٹ اڈ ایتنہ۔