اسلام آباد۔ 16مارچ (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ملک اٹی جان جوڑی نا آسراتی تے گچین جوڑ کننگ کن جم وڑاٹ داوخت اسکان 9 ارب 75کروڑ 96لکھ روپئی آن زیات نا فنڈ جاری کرینے۔ حکومت داڈویژن نا شونداری پروگرام تے کن 24ارب 95لکھ روپئی آن زیات نا فنڈ جتا کرینے۔ پلاننگ کمیشن نا برجاکروک حساب وکتاب نارداٹ پرائم منسٹر افیشل ہیلتھ انشورنس پروگرام کن 80 کروڑ، صوبہ غاتا پاپولیشن ویلفیئر پروگرام کن اسہ ارب 54کروڑ، کنگ حمد یونیورسٹی آف نرسنگ کن 31کروڑ، ای پی آئی پروگرام کن 4ارب 33کروڑ، ایم این سی ایچ پروگرام کن 20کروڑ، قومی پروگرام فیملی پلاننگ کن 2 ارب 19کروڑ ، وزیراعظم پروگرام ہیپاٹائٹس کن 13کروڑ روپئی تون اوار چندی شونداری ڈٹ آتے کن فنڈ جاری کرینے۔
