اسلام آباد۔ 01مارچ(اے پی پی) پاک فضائیہ نا سروک ایئرچیف مارشل مجاہد انور خان سروک پاک بحریہ تون سپاروکی اوڑدہی اس کرے۔ ترجمان پاک بحریہ نا رداٹ نیول ہیڈکوارٹر آ بننگ آ امیر البحر ایئر چیف ءِ بخیر کرے۔ پاک بحریہ نا چاق و چوبند دستہ ایئر چیف مارشل مجاہد انور خان ءِ گارڈ آف آنر پیش کرے۔ شرفمند آ مہمان نیول ہیڈکوارٹر اٹ یات گار شہید آتیا پھل آتا چادراس شاغا۔ پاک بحریہ نا سروک ایڈمرل محمد امجد خان نیازی پاک فضائیہ کن ایئرچیف مارشل مجاہد انور خان نا خذمت آتے خراج تحسین پیش کرے۔ نیول چیف ملکی سمندری سیم تا دفاع ٹی پاک بحریہ نا کمکاری و سلہہ بند فوج انا نیام اٹ ہم آہنگی نا مون آ دننگ کن ایئر چیف مارشل مجاہد انور خان نا کوشست آتا ستاءِ کرے۔ ایئر چیف کسبی امور اٹ پاک بحریہ نا پبی کمکاری نا ستاءِ کرے و نیک است خواہی تا درشانی آ نیول چیف نا منت واری ءِ ہرفے۔
