اسلام آباد۔ 01 مارچ (اے پی پی) وزیراعظم نا خصوصی کمکار سی ڈی اے امور علی نواز اعوان پارینے کہ ن لیگ نا حکومت قطر اتون ایل این جی نا معاہدہ ءِ 13 درسد وخت اس کہ پی ٹی آئی نا حکومت 10 درسد آ کرسا پک کرینے کہ دِیر اس الس نا بارواٹ سجفک۔ داخیال آتا درشانی ءِ او دوشنبے نادے آ یونین کونسل پھلگراں ٹی اسہ جلسہ سے آن تران کرسا کرے۔ اوپارے کہ نن کک بیکس و کمیشن ہلپنہ ہنداخاطرآن ننکن قطری چھٹی بفک بلکن ن لیگ اکن بریک۔ اوپارے کہ اپوزیشن پاہک کہ او ننتون تولنگ کن تیار اف ولے ہمو اپوزیشن پنجاب اٹ ننتون تولسا سینیٹ نا سیٹ آتے ہلیک۔ علی نواز اعوان پارے کہ وزیراعظم پاکستان نا ویژن ءِ پذیرائی ملنگ ءِ اونا کورونا دین اٹی نیزگار الس ءِ بین و افلاس نا آفت آن بچفنگ کن سمارٹ لاک ڈاؤن نا فیصلہ نا سفت ءِ مچ آ دنیا کننگ اٹی ءِ۔ وزیراعظم نا خصوصی کمکار پارے کہ ننا زرگزران داسہ شونداری نا کنڈآ ہِننگ ءِ و برآمدات و زرمبادلہ ٹی جوان ءُ ودکی اس مننگ ءِ۔ اوپارے کہ نن مسکوہی چیئرمین سینیٹ نیئر بخاری نا علاقہ ٹی سلوک اُن ولے داجاگہ نا ویل آتے ہُرسا لگپک کہ اوفک دانگیا برور۔ علاقہ کپی تا منظر ءِ پیش کننگ ءِ۔ اوداوخت آ پھلگراں یونین کونسل اٹ گیس انا آسراتی کن 27 کروڑ روپئی نا گرانٹ نا پڑو ءِ کرے و پارے کہ نمے مچ آ اسلام آباد اٹی گچینی نظر بننگ ء، او چائے خلقی علاقہ مرے یا شاری ہرجاگہ غا شونداری کاریم مننگ ءِ۔ اوپارے کہ پاکستان تحریک انصاف نا حکومت اولیکو حکومت ءِ ہرا اسلام آباد ءِ پہچان تس۔ داوخت آ پاکستان تحریک انصاف نا ہندی راہشونک ہم تران کریر۔
