اسلام آباد۔ 01 مارچ (اے پی پی) تدوک آ بیست ءُ چار گھنٹہ ٹی مچ آ ملک اٹی تدوک آ بیست ءُ چار گھنٹہ ٹی کورونا دین آن 36 مرک مس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 1 ہزار 392 بندغ آتا کوویڈ۔ 19 ٹیسٹ مثبت بس و 36 بندغ دا دین آن زوال کریر ہرافتیان 32 بندغ ہسپتال آتیٹی وخت اس کہ 4 ناجوڑ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 18 درسد، لاہور اٹی 34 درسد، پشاور اٹی 18 درسد واسلام آباد اٹی 28 درسد ناجوڑ ءُ۔ ہنداوڑاٹ ملک انا چار بھلا شار تیٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹی 37 درسد، اسلام آباد اٹی 25 درسد، گجرات اٹی 94 درسد و لاہور اٹی 24 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 38 ہزار 338 ٹیسٹ کننگا ہرافتیان سندھ اٹی 10 ہزار 57، پنجاب اٹی 16 ہزار 777، خیبرپختونخوا ٹی 6 ہزار 344، اسلام آباد اٹی 3 ہزار 907،م بلوچستان اٹی 383، گلگت بلتستان اٹی 330، آزاد کشمیر اٹی 540 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 5 لکھ 46 ہزار 371 مسنے۔ بلوچستان، گلگت بلتستان و آزاد کشمیر اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف۔ وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 206 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 22 ہزار 98 ءِ۔ مچ آ ملک اٹی کورونا دین آن زہمی بندغ آتا کچ 5 لکھ 81 ہزار 365 ءِ ہرافتیان آزاد کشمیر اٹی 10 ہزار 243، بلوچستان اٹی 19 ہزار 49، گلگت بلتستان اٹی 4 ہزار 956، اسلام آباد اٹی 44ہزار 373، خیبرپختونخوا ٹی 72 ہزار 424، پنجاب اٹی 1 لکھ 72 ہزار 54و سندھ اٹی 2 لکھ 58 ہزار 266 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 12 ہزار 896ءِ ہرافتیان سندھ اٹی 4 ہزار 350 مرک وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال اٹی وخت اس کہ 2 ناجوڑ اُراتیٹی قرنطینہ ٹی دا دین آن زوال کریر۔ پنجاب اٹی 5 ہزار 363مرک وخت اس کہ تدوک آبیستءُ چار گھنٹہ ٹی 13 ناجوڑ ہسپتال آتیٹی دا دین آن زوال کریر۔ خیبرپختونخوا ٹی 2 ہزار 79 وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال آتیٹی دا دین آن زوال کریر۔ اسلام آباد اٹی کل 501 مرک وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال آتیٹی دا دین آن زوال کریر، بلوچستان اٹی 200مرک، گلگت بلتستان اٹی 102 مرک، آزاد کشمیر اٹی دا دین آن 304 مرک مسنے وخت اس کہ تدوک آ بیست ءُ چار گھنٹہ ٹی 4 بندغ ہسپتال آتیٹی دا دین آن زوال کریر۔ داتم اسکان مچ آ ملک اٹی کوویڈ۔ 19 نا 89 لکھ 90 ہزار 176 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 631 ہسپتال آتیٹی 2 ہزار 5 ناجوڑ درمان مننگ ءُ۔