اسلام آباد۔ 01 مارچ(اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ دنان تا درمان کن آب اٹنگا ہسپتال وخت انا اہم ءُ گرج اسے، اسکول آف ڈینٹسٹری بنجائی دارالحکومت اٹ تینا وڑنا اولیکو ادارہ ءِ۔ داخیال آتا درشانی ءِ او دوشنبے نادے آداڑے اسکول آف ڈینٹیسٹری ٹی اسہ دود اسے آن تران کرسا کرے۔ اوپارے کہ دنان تا درمان کن آب اٹ ہسپتال (اسکول آف ڈینٹسٹری) وخت انا اہم ءُ گرج اسے۔ اوپارے کہ لس وڑاٹ مخلوق اٹ دنان تا بابت حفظان صحت نا تصور زیات جوان اف ہراٹی باہ و دنان تا ناجوڑی نا کچ بھاز زیات ءِ۔ ڈاکٹر فیصل سلطان پارے کہ دنان جوڑ کننگ نا تعلیم و تربیت تروک آ بڑزکو آب انا ادارہ غاتا جوڑ کننگ نا سخت گرج ءِ۔ داسینٹر اٹ سالانہ کم و ود 128،000ناجوڑ آتا معائنہ و درمان کننگک۔ اوپارے کہ داکالج نا جوڑ کننگ آن آبادی کن میسر ڈینٹل سرجن تا تناسب ودک ہراداوخت آ بھاز کم ءُ۔ ڈینٹسٹری ٹی سپیشلائزیشن کن ہر سال 8 آن 12 طالب علم آتا تعلیم و تربیت ءِ کننگک۔ اوپارے کہ 4 سال اٹ دنان تا 56 چاہندار سپیشلائزیشن کرسا پیش تمرہ۔ دنان جوڑ کننگ نا بنداوی یا طبی سرحال آتیٹی کم از کم6-4ایم فیل/پی ایچ ڈی مریرہ۔
