اسلام آباد ۔28فروری(اےپی پی ):صدر مملکت ڈاکٹر عارف علوی ءَ گوشت کہ پاکستان وتی پراڈکٹس ءِ ویلیو ایڈیشن ءُ پراسسنگ آسراتی آناں گہتر جوڑ کنان ءَ میاں اوستمانی منڈی آنی تہ ءَ وتی پجار ءَ جوڑ کت کنت۔ ڈن ملکی سفارتخانہ تجارتی نماش برجم کنان ءَ ملکی معیشت ءِ واستہ کرد ءِ پیلو بکن انت اے ھیالانی درشانی آئی ءَ شمبے ءِ روچ ءَ ادا ایوان ءِ صدر ءَ وزارت ءِ تجارت ءُ سوگودہا چیمبر آف کامرس اینڈ انڈسٹری ءِ چیر دستی ءَ فروٹ آنی نماش (سیٹرس شو 2021) ءَ گوں گشتانک دیان ءَ کت۔ آئی ءَ گوشت کہ یونیورسٹی ءَ اے رنگیں پٹ ءُ پول ءِ ضلورت انت ایش مارکیٹ ءِ ضلورت آنی رد ءَ انت صدر ءَ گوشت کہ پاکستان یک کشت ءُ کشار کنوکیں ملک ات کینو ءُ ایندگر فروٹ آنی پیکنگ ءُ سٹوریج آسراتی ءَ را گہتر جوڑ کنگ ءَ برآمدی پڑ ءَ را گیشتر کنگ بوت کنت آئی ءَ گوشت کہ دیمروئی کنوکییں ملک آیوکیں باندات ءِ منصوبگ بندی کناں جوانیں درمان ءُ گہتریں چار ءُ گزار ءِ وسیلگ ءَ ما کشت ءُ کشار ءُ معیشت ءِ اندر ءَ جوانیں گیشی کت کناں۔
