اسلام آباد۔28فروری (اے پی پی): مزن وزیر عمران خان مرچی (یک شمبے) ءِ روچ ءَ نندنہ قلات، ضلع جہلم ءِ تاریخی ھند البیرونی جاہ ءَ ہیریٹیج ٹریل ءِ بنگیج ءَ کنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ سیل ءُ سواد ءِ دیمروئی ءِ ویژن ءُ راجی ٹورزم اسٹیٹجی 30-2020 ءِ چیر دستی ءَ سرجمیں ملک ءَ تاریخی ءُ راجی مڈی ءِ ھوالگ ءَ اے ھند آناں سیل ءُ سواد ءِ دیمروئی ءُ ھندی آباتی ءِ دیمروئی ءِ واستہ سہرا کنگ بوھگ ءَ انت۔ اے ھند آں چہ یک ءِ نندنہ قلات ، ضلع جہلم انت ایشرا نامداریں مسلمان سائنسدان ابو ریحان البیرونی ءَ گوں پجاروکی کنگ بیت۔ اے ھما جاہ انت کہ البیرونی ادا اتکگ بوتگ ءُ زمین ءِ بیچل ءُ کچ کنگ ءِ واستہ تجروبت کتگ بوتگ۔ نندنہ قلات ءِ نزیک ءَ شش دگہ کوھنیں جاہ است ءُ راجی مڈی ءِ رد ءَ ایش ھم ارزسشت داریں جاہ انت، ایشانی تہ ءَ نندنہ مندر، کتگاس مندر، کھیوڑہ ءِ واد ءِ سُرنگ، ملوٹ قلات، ملوٹ مندر ءُ تخت بابری ھوار انت۔
