اسلام آباد۔27فروری (اے پی پی): مزن وزیر عمران خان ءَ گوشت کہ پاکستان ءِ ھلاپ ءَ اُردی ارش ءِ رد ءَ بھارت ءِ اردی گامگیج آناں مئے سلاھ بندی ارد ءَ ڈگار ءَ جتگ، اے رد ءَ سرجمیں راج ءُ ارد ءَ را مبارک بات پیش کناں، ما مدام ایمنی ءِ تران ءَ را سہرا کتگ ءُ گپ ءُ تران ءِ وسیلگ ءَ توامیں جیڈھ آنی گیواری ءِ واستہ ھمک ساھت تیار آں۔ شمبے ءِ روچ ءَ وتی ٹویٹ ءَ آئی ءَ گوشت کہ سلاھ بندیں پاکستانی ارد ءِ سر ءَ پھر انت۔ ہندوستان ءِ جنگی ءُ چوپی پندل آناں ڈگار ءَ جتگ ءُ سرجمیں دگنیا ءِ دیم ءَ سہرا کتگ کہ ما ایمنی ءِ واھند ءُ لوٹوک آں۔ آئیءَ گوشت کہ توامیں جیڈھ سول ءُ تران ءِ سر ءَ گیش ءُ گیوار بنت۔ آئیءَ گوشت کہ ایل او سی جنگی بندی ءِ برجائی ءَ را وش اتک کناں۔ گیش دیمروئی ءِ جوانیں جاور پیداک کنگ بھارت ءِ سر ءَ ھم بیت۔ ہندوستان کشمیری آنی کوھنیں لوٹ آنی منظوری ءُ سلامتی کونسل ءِ منوگری آنی رد ءَ ایشرا وت واجئی ھک ءِ پجاری ءِ واستہ المیگیں گامگیج چست بکنت۔
