راولپنڈی۔27فروری (اے پی پی):27 فروری 2019 ءَ پاکستانی فضائیہ ءِ دست ءَ شکست وارتگ ءُ پاک سرزمین ءِ سر ءَ دزگیر بوھوکیں بھارتی پائلٹ ابھی نندن ءِ ھاسیں ویڈیو بیان سہرا بوتگ۔ ابھی نندن ءَ ھما وھد ءَ ارد ءَ را داتگیں بیان ءَ گوشت کہ بال ءِ تہ ءَ من دوئیں ملک آنی سیم سر نہ زانتگ انت، پیرا شوٹ ءَ چہ کپتگ آں گڈا نہ زانتگ کہ پاکستان ءَ آں یا وتی ملک بھارت ءَ چیا کہ منی نزیک ءَ دوئیں ملک یک وڑ انت ءُ سرجمیں مردم منا ھمگونگ سما بوت انت۔ ایشی ءَچہ پد من سک باز ٹپیگ بوتگ آں، من سرئت نہ کت۔ من اے زانگ ءِ سما کت کہ کجام ملک ءَ آں، وھد ءِ من زانت کہ وتی ملک ءَ نہ آں گڈا تچگ ءِ کوشست کت، منی پشت ءَ مردم اتک آں ءُ آ سک باز جوش ءِ توک ءَ اتنت۔ آ واں لوٹ ات کہ منا کبند بکن انت ءُ بگر آں۔ ھمے وھد ءَ پاکستان آرمی ءِ 2 ورنا اتک انت، آواں من ءَ گپت ءُ آھودا ءَ بچارینت، ایشانی تہ ءَ یک پاکستان آرمی ءِ کپتان ھم اتک، آواں منا اے مردم آں چہ رکھینت، آواں من ءَ اے مردم آں چہ رکھینت، آواں من ءَ وتی یونٹ ءَ تاں گپت ءُ برت آواں فرسٹ ایڈ دیگ بیت۔ ایشی ءَ چہ پد منا اسپتال ءَ برگ بوت ، من ءَ چار ءُ تپاس کنگ بوت۔ ابھی نند ءَ گوشت کہ اے جاھ ءَ من آں، ادا چہ ھما وھد ءَ چہ آں ءُ بازیں مہمان جھلی کنگ بوتگ۔ بھارتی پائلٹ ءَ پاک ارد ءِ توسیپ کت ءُ گوشت کہ پاک اُرد سک باز بلدکار ءُ دلیر انت۔ آئی ءَ گوشت کہ من دلیری ءَ چہ باز متاثر بوتگ آں۔ یات دارگ بہ بیت کہ پاک فضائیہ ءِ شاہین آں 27 فروری ءِ سہب ءَ بالی سیم سر آنی ھلاپ کنوکیں دو بھارتی جنگی جہاز آناں جتگ ءُ دور داتگ ایشانی تہ ءَ یک مگ 21 جنگی جہاز پاکستان سیم سر ءِ اندر ءَ کپت ءُ ایشی ءِ تہ ءَ سواریں بھارتی فضائیہ ءِ پائلٹ ونگ کمانڈر ابھی نندن ءَ را ٹپیگیں ھالت ءَ دزگری کنگ بوت۔
