صوبائی پارلیمانی سیکرٹری حوالکاری گودی بشریٰ رند نا ’’اے پی پی‘‘ تون گپ وتران

کوئٹہ۔ 26 فروری (اے پی پی) صوبائی پارلیمانی سیکرٹری حوالکاری گودی بشریٰ رند پارینے کہ الس ءِ مون تروک ویل آتا ایسر ساڑی حکومت نا اولیت ءِ، ہراڑکن غٹ تر ساڑی وسیلہ غاتے کاریم اٹ اتنگ انگ ءِ۔ ساڑی صوبائی حکومت وزیراعلیٰ بلوچستان جام کمال خان عالیانی نا کماشی ٹی ہرہمو گام گیج ءِ کننگ کن تیار ءِ ہراڑآن الس نا زند انا آب گچین مننگ کے۔ داخیال آتا درشانی ءِ او جمعہ نادے آ ’’اے پی پی‘‘ تون گپ وتران کرسا کرے۔صوبائی پارلیمانی سیکرٹری حوالکاری گودی بشریٰ رند مستی پارے کہ خوانوک آ ورناتیکن روزگار نا وارخواہی ودی کننگ انگ ءِ تانکہ او صوبہ نا شونداری وشونہالی ٹی تینا پبی کڑد ءِ ادا کننگ کیر و تینا ملک و قوم انا خذمت اٹ تینا کڑد ءِ ادا کننگ کیر۔ صوبائی حکومت نا کوشست آتیان تعلیمی سرجزآک ہم بحال مننگ ءُ ولے غٹ تر رکھی گام گیج آتیا عملدرآمد ءِ پک کروئی مریک۔ اوپارے کہ صوبائی حکومت جان جوڑی نا بابت آسراتی کن قابل عمل اولیت آتا تعین کرسا گچین حکمت عملی اٹ گام گیج کننگ ءِ۔ وزیراعلیٰ بلوچستان میر جام کمال خان صوبہ ٹی ایلو بشخ آتون اوار اوار جان جوڑی نا بشخ آ خاص چکار کرینے۔ اوپارے کہ حکومت الس ءِ اوفتا درگہ غا جان جوڑی نا بابت پوسکن و وخت آ آسراتی فراوان کننگ کن سنجیدہ گام گیج کننگ ءِ۔