سی پیک نا ڈٹ مچ آ ڈیہہ نا اقتصادی شونداری وشونہالی کن گیم چینجر نا حیثیت تخک، گورنر بلوچستان امان اللہ خان یاسین زئی

کوئٹہ۔ 26 فروری (اے پی پی) گورنر بلوچستان امان اللہ خان یاسین زئی پارینے کہ چائنا پاکستان اقتصادی راہداری نا پوروی آن مچ آ دنیا ٹی زرگزرانی جمود چٹک۔ دا عظیم ڈٹ انا اسہ اہم ءُ لنک اس بلوچستان ءِ و گوادر سی پیک نا تاج آ چمکوک آ نگینہ غانبار ءِ۔ داخیال آتا درشانی ءِ او گوادر پورٹ انا دورہ ءِ کننگ نا وخت آ گپ وتران کرسا کرے۔ داوخت آ چائنا اوورسیز پورٹس ہولڈنگ کمپنی نا چیئرمین (Mr. Zhang Baozhong)ہم ساڑی ئس۔ گورنر امان اللہ یاسین زئی مستی پارے کہ سی پیک نا شاندار ڈٹ مچ آ ڈیہہ نا اقتصادی شونداری و شونہالی کن گیم چینجر نا حیثیت تخک، ننے سی پیک نا رداٹ تینا پوسکن آ چین ءِ پوسکن آ فنی و تیکنیکی مہارت ہیل تننگ آ چکار کروئی مریک۔