اسلام آباد۔ 26 فروری (اے پی پی) بنجائی وزیر سائنس و ٹیکنالوجی چوہدری فواد حسین پارینے کہ سندھ اٹی اپوزیشن لیڈر حلیم عادل شیخ آ ظلم انسانی حق انا باندات ءِ، قومی اسمبلی ٹی دا بابت ہیت کننگ ضابطہ عمل نا برخلاف اف۔ جمعہ نادے آ قومی اسمبلی ٹی چندی باسک آتا کنڈآن چست کروک آ ٹک آتا ورندی ءِ ترسا بنجائی وزیر پارے کہ قطبی وزیرستان اٹ چار زالبول نا شہیدی آ ایوان ہرایکجہتی نا درشانی ءِ کرینے او ستاکڑزک۔ کے پی کے حکومت سنجیدہ گام گیج کرینے، نن حکومت اٹ مرین یا اپوزیشن اٹ ہراتم اسکان زالبول آتے شرف تفنہ مون آ ہِننگ کپنہ۔نیاڑی نا لمہ، ایڑھ، مسڑنا ہر دروشم زیباءِ۔ اوپارے کہ اسہ خبرا س بسنے کہ اسہ 64 سال نا بندغ اس 14 سال نا مسڑ اسے تون برام کرینے، جے یو آئی بایدے وضاحت کے۔ بھارت اٹ دا باندات آ غوغا کننگ انگ ءِ۔ اوپارے کہ ہراڑے کہ ظلم مریک او ظلم ءِ۔ داہیت سہی اف کہ سندھ اٹ مروک آ ظلم آ داڑے ہیت کننگ مفک۔ سندھ اٹ اپوزیشن لیڈر آ ظلم مننگ ءِ۔ ہموڑے زندان اٹ اوفتیا دوشہ غاتے یلہ کننگ انگ ءِ، دا انسانی حق انا باندات ءِ نن دانا بایدے نوٹس ءِ ہلین۔ ننے غٹ ءِ اسہ ایلو آن اختلاف مننگ کیک ولے دا مننگ کپک کہ مخالف آتے زندان اٹ شاغر۔
