بھارت پاکستان ءِ بلیک لسٹ اٹ اوار کرفنگ اٹ بے سہب مس، وزیر خارجہ مخدوم شاہ محمود قریشی نا بیان

اسلام آباد۔ 26 فروری (اے پی پی) وزیر خارجہ مخدوم شاہ محمود قریشی ایف اے ٹی ایف نا فیصلہ و سیز فائر معاہدہ نا بابت پارینے کہ بھارت، پاکستان ءِ بلیک لسٹ اٹ اوار کرفنگ اٹ بے سہب مس، ڈی جی ایم او نا رابطہ، و سیز فائر معاہدہ نا پاسداری آ رضامندی گچین ءُ گام گیج اسے۔ جمعہ نادے آ تینا اسہ بیان اسے ٹی وزیر خارجہ پارے کہ اللہ نا فضل وکرم اٹ بھارت ءِ بے سہبی مس، بھارت پاکستان ءِ بلیک لسٹ اٹ اوار کرفنگ اٹ بے سہب مسنے، نن کانود جوڑ کننگ تون اوار دا بابت پبی کوشست کرین۔ وزیر خارجہ پارے کہ ننا کوشست آک داہیت انا شاہدی ءِ تننگ ءُ کہ پاکستان ٹیررفنانسنگ و منی لانڈرنگ نا برخلاف سنجیدہ ءِ، او تینٹ داہیت ءِ امنا کیک کہ پاکستان 27 آن 24 پوائنٹ آتیا پورو عملدرآمد کرینے، اینخو سال جون اسکان نن انشاء اللہ ایلو مسہ پوائنٹ آتیا ہم عملدرآمد کینہ۔ وزیر خارجہ پارے کہ پاکستان دا گام گیج ءِ بیرہ ایف اے ٹی ایف کن آخا بلکن تینا قومی مسخت آتیٹی کرینے۔ وزیر خارجہ پارے کہ نن دہشت گردی نا برخلاف جنگ اٹ بھلو قیمت اس تسونن وخت اس کہ بھارت، ایف اے ٹی ایف ءِ سیاسی مسخت آتیکن کاریم اٹ اتیک، ولے بھارتءِ اسہ وار ولدا بے سہبی مس۔ ایف اے ٹی ایف دیوان اٹ 13 ملک پاکستان نا گام گیج نا ستاءِ کریر۔ شاہ محمودقریشی پارے کہ ڈی جی ایم او نا رابطہ، و سیز فائر معاہدہ نا پاسداری آ رضامندی گچین ءُ گام گیج اسے۔ بھارت نا کنڈآن سیز فائر معاہدہ نا خلاف ورزی کننگک، 2008ء آن پد اوفتا کچ اٹ ودکی مسنے۔ وزیر خارجہ پارے کہ بھارت نا کنڈآن سیزفائر معاہدہ نا خلاف ورزی آن لائن آف کنٹرول آ رہینگوک آ کودک کشمیریک بھاز بے وڑ زہمی مسر۔ بھارت نا کنڈآن سٹی سم کاری کرسا کننگا۔ داپیش رفت ستاکڑزک۔ داڑآن مخلوق ءِ رکھ رسینگک۔ وزیر خارجہ پارے کہ باندات آتیٹی بگاڑ بھارت نا کنڈآن ودی کرسا کننگا۔ بھارت کشمیر نا ویل انا بابت اقوام متحدہ سلامتی کونسل نا قرارداد آتیان نمن مننگ کپک۔ اوریکارڈ اٹ اریر۔ شاہ محمود قریشی پارے کہ ساڑی بھارت سرکار کشمیری تیا ظلم انا زی آ ظلم کرے ولے اودے تینا مسخت آتا دوئی کننگ اٹ بے سہبی مس۔ پاکستان اولیکو دے آن پاننگ ءِ کہ ویل آتا ایسری کن مذاکرات ممکنہ کسر ءِ، شاہ محمود قریشی ’’امریکن پاکستان پبلک افیرز کمیٹی‘‘ تینا قرارداد اٹ امریکہ غان خواست کرینے کہ او مظلوم آتا دادرسی کن اوفتا توار ءِ بنے۔