اسلام آباد۔ 26 فروری (اے پی پی) وزارت خارجہ و نیشنل یونیورسٹی آف ماڈرن لینگویجز (نمل) نا نیام اٹ چندی زبان تا مون آ دننگ نا بابت معاہدہ مس۔ جمعہ نادے آ نمل اٹ اسہ دود اسے ٹی وزیر خارجہ مخدوم شاہ محمود قریشی و ریکٹر نمل میجر جنرل (ر) محمد جعفر نا ساڑی گری ٹی وزارت خارجہ و نمل نا نیام اٹ مفاہمتی یات داشت آ دستخط کننگا۔ داکان …
وزارت خارجہ و نیشنل یونیورسٹی آف ماڈرن لینگویجز(نمل) نا نیام اٹ چندی زبان تا مون آ دننگ نا بابت معاہدہ
گیشتریں ھال
اسلام آباد۔ 26 فروری (اے پی پی) وزارت خارجہ و نیشنل یونیورسٹی آف ماڈرن لینگویجز (نمل) نا نیام اٹ چندی زبان تا مون آ دننگ نا بابت معاہدہ مس۔ جمعہ نادے آ نمل اٹ اسہ دود اسے ٹی وزیر خارجہ مخدوم شاہ محمود قریشی و ریکٹر نمل میجر جنرل (ر) محمد جعفر نا ساڑی گری ٹی وزارت خارجہ و نمل نا نیام اٹ مفاہمتی یات داشت آ دستخط کننگا۔ داکان مست یونیورسٹی آ بننگ آ ریکٹر نمل یونیورسٹی میجر جنرل (ر) محمد جعفر وزیر خارجہ ءِ جم و جوش اٹ بخیر کرے۔ معاہدہ نا رداٹ نمل یونیورسٹی، چندی زبان تیٹی مٹ وبدل و تشریح نا بابت وزارت خارجہ نا کمکاری و وزارت خارجہ نا آفیسر آتا زبان دانی نا بات کاریم نا کچ ءِ ودفنگ اٹ کمک کیک۔ وزیر خارجہ داوخت آ گپ وتران کرسا پارے کہ زبان تا مون آ دننگ نا بابت وزارت خارجہ و نمل نا نیام اٹ دا معاہدہ، وخت انا اہم ءُ گرج اسے۔ شاہ محمود قریشی پارے کہ وزارت خارجہ و نمل یونیورسٹی نا نیام اٹ زبان تا مون آ دننگ نا دا معاہدہ غان قومی بیانیہ نا ٹہیفنگ و جہانی کہول آ تشہیر اٹ کمک رسینگک۔ وزیر خارجہ علم و ادب نا بابت نمل یونیورسٹی نا خذمت آتا ستاءِ کرے۔ ریکٹر نمل یونیورسٹی میجر جنرل (ر) محمد جعفر نمل یونیورسٹی آ بننگ آ وزیر خارجہ نا شکریہ ءِ ادا کرے۔
