ڈرگ ریگولیٹری اتھارٹی ءَ کسءَ جان رکھینوکیں درمان ، فلوری نف، ہائیڈروکارٹیزن ءُ ٹی بی ءِ درمان آنی رجسٹریشن ءِ درکاست نہ داتگ راجی جان ءُ سلامتی ءِ مزن گسی سیکرٹری ڈاکٹر درشن ءِ راجی اسمبلی ءَ دلگوشی نوٹس ءِ پسپہ

اسلام آباد۔16مارچ ( اے پی پی) جان ءُ سلامتی ءِ مزن گسی سیکرٹری ڈاکٹر درشن ءَ گشتگ کہ ڈرگ ریگولیٹری اتھارٹی ءَ را تاں انگت کسءَ جان رکھینوکیں دارو ءُ درمان ، فلوری نف، ہائیڈروکارٹیزن ءُ ٹی بی ءِ درمان آنی رجسٹریشن ءِ دزبندی نہ کتگ۔ پنچ شمبے ءِ روچءَ راجی اسمبلی ءَ خالدہ منصور ءِ اسلام آبادءَ ھوار سرجمیں ملک ءَ جان رکھینوکیں درمان ، فلوری نف، ہائیڈروکارٹیزن ءُ ٹی بی ءِ درمان آنی کمی ءِ ھوالگءَ دلگوشی نوٹس ءِ پسہ داتگ ءُ جان ءُ سلامتی ءِ مزن گسی سیکرٹری ڈاکٹر درشن ءَ گشتگ کہ اے گپ راست اِنت کہ اے درمانی آنی کمی اِنت۔ ہائیڈروکارٹیزن ءِ سُھچن است اِنت بلے گولی نیست۔ آئی ءَ گشتگ کہ ڈرگ ریگولیٹر اتھارٹی ءَ را تاں انگت کسءَ رجسٹریشن ءِ دزبندی نہ کتگ اگاں کسے اے درمان آناں درآمد کنگ لوٹ ایت کُت کنت۔ دلگوشی نوٹس ءِ سرءَ خالدہ منصور، شکیلہ لقمان ءُ ثریا اصغر ءِ جُستانی پسو ءَ ڈاکٹر درشن ءَ گشتگ کہ ھرچ درمانے کہ نیست اِنت ایشی ءِ بندوبست حکومتءَ را کنگ لوٹ ایت بلے مہ ڈاکٹر صاھب ءَ را گشتگ کہ آ اے درمان آں زوتاں چہ زوت درآمد بہ کنت۔ زند رکھینوکیں ءُ ٹی بی ءِ درمان سرجمیں ملکءَ بازیں کساسے ءَ اَست اَنت۔ ھرکس فلوری نف ءُ ہائیڈروکارٹیزن جوڑ کنگ لوٹ ایت مہ ایشی ءِ رجسٹریشن ءَ کن اَنت۔