اسلام آباد۔ 26 فروری (اے پی پی) بنجائی وزیر مذہبی امور پیر نورالحق قادری پارینے کہ وزیراعظم عمران خان نا خواست آ سری لنکا نا حکومت تینا مسلم آبادی نا متکن آ خواست ءِ امنا کرسا مسلمان میت آتا جہہ جاگہ کننگ نا موکل تسنے۔ جمعہ نادے آ تینا اسہ بیان اسے ٹی اوپارے کہ سری لنکا نا اسلامی تنظیمک بھلو وخت اسے آن دا خواست ءِ کریرہ کہ حکومت اوفتے مذہبی عقیدہ غاتارداٹ مسلمان میت آتا جہہ جاگہ کننگ نا موکل ایتے۔ اوپارے کہ سری لنکا ٹی کورونا نا دین اٹ زوال کروک آ بندغ آتا میت آتے ہُشنگاکہ۔ وزیراعظم عمران خان تینا ساڑی آ دورہ سری لنکا ٹی سری لنکا نا وزیراعظم آن دابابت خاص درخواست کریسس۔ اوپارے کہ وزیراعظم نا دورہ سری لنکا رنگ اس ایسونے، پاکستان آ سرمننگ تون سری لنکا نا حکومت زوال کروک آتا جہہ جاگہ کننگ نا پرمان جاری کرینے۔
