پاکستانی گام گیج آتا سوب آن پاکستان ءِ داسہ بلیک لسٹ اٹ شاغنگ مفک، بنجائی وزیر صنعت و پیداوار حماد اظہر نا نیوز کانفرنس آن تران

اسلام آباد۔ 26 فروری (اے پی پی) بنجائی وزیر صنعت وپیداوار حماد اظہر پارینے کہ ایف اے ٹی ایف ءِ بھارت تینا ناپاک عزم اکن کاریم اٹ اتنگ نا کوشست کرے ولے غٹ آ پاش مسنے کہ بھارت تینٹ دہشت گردآتا مالی کمک اٹ اوار ءِ، پاکستانی گام گیج آتا سوب آن پاکستان ءِ داسہ بلیک لسٹ اٹ شاغنگ مفک۔ داخیال آتا درشانی ءِ او جمعہ نادے آ نیوز کانفرنس آن تران کرسا کرے۔ اوپارے کہ کورونا غان پد ہم ایف اے ٹی ایف نا کنڈآن تروک آ ٹاسک ءِ 90 درسد پورو کرے۔ گام گیج آتا سوب آن پاکستان ءِ داسہ بلیک لسٹ اٹ شاغنگ مفک۔ جون اٹ ایف اے ٹی ایف نا پورو ٹک آتیا عملدرآمد کینہ۔ بنجائی وزیر پارے کہ گام گیج آتا سوب آن پاکستان ءِ داسہ بلیک لسٹ اٹ شاغنگ مفک۔ حماد اظہر پارے کہ ایف اے ٹی ایف نا بابت پاکستان بے مٹ کارکڑدنا درشانی ءِ کرے، فیٹف نا 27 ایکشن پلان آن 24ءِ پورو کرین۔ کوشست ءِ کہ جون اٹ ایف اے ٹی ایف ایکشن پلان نا 27 ٹک آتے پورو کین، 3 ہدف رہینگانو۔ اوفتے ہم زوت پورو کینہ، کورونا غان پد ہم ٹارگٹ ءِ نن بھلو حداسسکان پورو کرین۔ حماد اظہر پارے کہ حکومت ملا تو ننا مون آ ٹاسک ئس کہ پاکستان ءِ بلیک لسٹ مننگ آن بچفنگے، فیٹف نا کنڈآن تروک آ ٹاسک ءِ 90 درسد پورو کرین۔ بنجائی وزیر صنعت و پیداوار حماد اظہر پارے کہ پاکستان مسہ ہدف آتیا جزوی وڑاٹ عملدرآمد کرینے۔ اوپارے کہ فیٹف غٹ آن مشکل و جامع پلان اس پاکستان ءِ تس۔ اونا پاننگ ئس کہ فیٹف پلان چندی ٹائم لائن آتون پاکستان ءِ تننگا۔ بنجائی وزیر حماد اظہر پارے کہ بنجائی و صوبائی کہول آ سرکاری محکمہ غاتا کوشست آک سفت نا قابل ءُ۔