پاکستان ءَ کورونا ویکسین ءِ واستہ میرٹ ءِ  کار رپک ءَ را وتی کتگ، مارا ایشی سر ءَ پھر کنگی انت، صدر ءِ مملکت ڈاکٹر عارف علوی ءِ ٹویٹ

اسلام آباد۔26فروری  (اے پی پی):صدر مملکت ڈاکٹر عارف علوی ءَ گوشت کہ پاکستان ءَ وتی شہری آناں کورونا ویکیسن جنگ ءِ واستہ میرٹ ءِ کار رپک ءَ را وتی کتگ، مارا اے گپ ءِ سر ءَ پھر کنگی انت۔ صدر ءِ مملکت ءَ آدینگ ءِ روچ ءَ وتی ٹویٹ ءَ نیویارک ٹائمز ءَ را یک رپوٹے ءِ ھوالگ دات ایشی ءِ اندر ءَ کموں ملک آنی لڑ ءَ را پروشان ءَ وی آئی پی،  سیر لاپ ءُ ھاٹیگ داریں مردم آناں زوت کوویڈ ءِ ویکسین جنگ ءِ واکیہ ءِ  سر ءَ چار ءُ تپاسی پیش کنگ بوتگ۔ صدر ءِ مملکت ءَ اے جاور ھال آناں سل ءُ ھراب لیکان ءَ گوشت کہ سرجمیں دگنیا ایشرا مذمت گرگ ءَ انت۔  آئی ءَ گوشت کہ ایشی ءِ مٹ ءَ پاکستان  اے نمونگ ءَ چہ رکھ اتگ ادا میرٹ ءِ سر ءَ ویکیسن دیگ بوھگ ءَ انت۔ صدر ءَ گوشت کہ اے میرٹ  والا نوکیں پاکستان انت ءُ مارا ایشی سر ءَ پھر کنگ لوٹ ایت۔