میاں اوستمانی بینک پیسریگیں  قبائلی دمگ آنی تہ ءَ ادارُکی رد ءَ بے گس بوھوکیں مردم آنی زوت برجائی ءِ واستہ 12 ملین ڈالر ءِ گیشیں گرانٹ پجاری کنت

اسلام آباد۔26فروری  (اے پی پی):عالمی بینک پیسریگیں قبائلی دمگ آنی تہ ءَ ادارُکی رد  ءَ بے گس بوھوکیں مردم آنی زوت برجائی ءِ واستہ 12 ملین ڈالر ءِ گیشیں گرانٹ پجاری کنت، اے رد ءَ آدینگ ءِ روچ ءَ پاکستان ءُ میاں اوستمانی بینک ءَ منوگری ءِ سر ءَ دست چنگل جت۔ وزارت ءِ اقتصادی کار  ءِ سیکرٹری نور احمد، نادرا ءِ نماھندگ  ءُ پاکستان ءَ میاں اوستمانی بینک ءِ آپریشن  منیجر  میلینڈاگڈ ءَ منوگری ءِ سر ءَ دست چنگل جت۔ بنجاھی وزیر اقتصادی کار مخدوم خسروبختیار ھم اے موہ ءِ سر ءَ ساڑی ات۔ بنجاھی وزیر اقتصادی کار مخدوم خسرو بختیار ءَ اے موہ ءِ سر ءَ  تران کنان ءَ   گوشت کہ پاکستان  ءِ حکومت خیبر پختونخوا ءَ ھوار بوھوکیں پیسریگیں قبائلی دمگ آنی دیمروئی منصوبگ ءُ الس ءِ بنیاتی آسراتی  آناں آوانی ڈک ءِ دپ ءَ  پجاری کنگ ءَ جزمیگ انت۔ بنجاھی وزیر ءَ میاں اوستمانی بینک ءِ پراجیکٹ ءِ سیم سر آنی در جنگ ءَ نادرا ءِ کرد ءَ را ساڑات۔  مخدوم خسرو بختیار ءَ ملک ءَ مھکمیں دیمروئی ءِ سیم سر آنی در  جنگ ءَ  یک شل ءَ کمک پجاری کنگ ءِ پد ءَ میاں اوستمانی بینک ءِ کنٹری مشن ءِ شگر ءُ منت واری گپت۔