اسلام آباد۔ 25 فروری (اے پی پی) بنجائی وزیر تعلیم شفقت محمود پارینے کہ مچ آ ملک اٹی غٹ اسکول آک یکم مارچ آن مست آنبار مریرہ۔ پنچ شنبے نادے آ تینا ٹویٹ اٹی بنجائی وزیر تعلیم پارے کہ کورونا دین انا سوب آن گڑاس بھلا شار تیٹی اسکول آتیا کلاس آتے چنکا رڑتیٹی بشخسا خوانفنگ نا پابندی نا اطلاق 28 فروری آن چٹنگ ءِ۔ یکم مارچ آن غٹ اسکول آک مست آنبار ملنگرہ۔ ملک اٹ غٹ اسکول آک یکم مارچ آن 5 دے کلاس مست آنبار مریرہ۔ مچ آ دنیا غانبار پاکستان اٹی ہم کورونا دین انا تالانی ءِ توننگ کن غٹ واپاری و تعلیمی ادارہ غاتے بند یا محدود کننگاسس ولے یکم فروری آن مچ آ ملک انا تعلیمی ادارہ غاتیٹی سرجزآتے بحال کننگاسس و حکومت تعلیمی ادارہ غاتیٹی کورونا ایس او پی تیا عملدرآمد ءِ المی گونداسس ہراٹی کلاس آتے چنکا پڑک آتیٹی بشخنگاسس داسہ یکم مارچ آن تعلیمی ادارہ غاتیٹی کلاس آک مست آنبار مریرہ۔
